நஷ்டத்தை அடுத்த படத்தில் சரிகட்ட வாக்குறுதி தந்த சிவகார்த்திகேயன்!

‘வேலைக்காரன்’ படத்தின் நஷ்டத்தை அடுத்த படத்தின் மூலம் சரி கட்டுகிறேன் என்று சிவகார்த்திகேயன் வாக்குறுதி கொடுத்துள்ளார்.

மோகன்ராஜா இயக்கத்தில் சிவகார்த்திகேயன் நடித்துள்ள வேலைக்காரன் படம் கடந்த வாரம் வெளியானது. இந்தப் படத்தில் மலையாள முன்னணி ஹீரோ பகத் பாசில், நயன்தாரா, பிரகாஷ்ராஜ், சினேகா, ஆர்.ஜே.பாலாஜி உட்பட பலர் நடித்துள்ளனர்.

இந்தப் படம் எல்லோரும் எதிர்பார்த்தபடி வியாபாரம் ஆகவில்லை. சிவகார்த்திகேயனின் முந்தைய படத்தின் விலையைவிட 30 சதவிகிதம் கூடுதலாக கேட்டதால் அவ்வளவு பெரிய விலையைக் கொடுக்க விநியோகஸ்தர்கள் முன்வரவில்லை. பல பிரச்சனைகளை சந்தித்து தியேட்டருக்கு வந்த ‘வேலைக்காரன்’ படம் தயாரிப்பாளர் நினைத்த அளவுக்கு வசூல் இலக்கை எட்டவில்லை.

இந்த படத்தின் கேரளா, கர்நாடகா, மற்றும் ஓவர்சீஸ் உரிமையை வாங்கியவர்கள் பலத்த நஷ்டத்தை சந்தித்துள்ளனர். அதாவது கேரளா, கர்நாடகா ஓவர்சீஸ் ஏரியாவை வாங்கியவர்களுக்கு அவர்களது முதலீட்டில் சுமார் 30 சதவிகிதம் நஷ்டம் அடைந்துள்ளதாக சொல்கின்றனர். அவர்களது நஷ்டத்தை ஈடு கட்ட பொன்ராம் இயக்கத்தில் நடித்து வரும் படத்தின் மூலம் சரிகட்டுவதாக சிவகார்த்திகேயன் வாக்குறுதி அளித்துள்ளாராம்.