பாலாவின் அடுத்த படம் ‘விசித்திரன்’.. சிவகார்த்திகேயன் ரிலீஸ் செய்த பர்ஸ்ட் லுக் வைரல்

இயக்குனர் பாலா துருவ் விக்ரமை வைத்து அர்ஜுன் ரெட்டி படத்தின் ரீமேக் படமான வர்மா படத்தினை இயக்கியிருந்தார். அந்த படம் அர்ஜுன் ரெட்டி படத்துடன் ஒப்பிட்டால் சிறப்பாக இல்லை என கருதி அதனை அப்படியே ஒதுக்கி வைத்துவிட்டு, ஆதித்ய வர்மா என்ற பெயரில் வேறொரு இயக்க்னரைக் கொண்டு படமாக்கினர். அந்த சர்ச்சைக்கு பிறகு பாலா எந்த புதிய படத்தையும் இயக்கவில்லை. அதே நேரத்தில் அவர் தன்னுடைய தயாரிப்பு நிறுவனம் மூலமாக படம் தயாரிப்பதில் கவனம் செலுத்தி வருகிறார்.

இந்நிலையில் தற்போது பாலா தயாரிப்பில் ஆர்கே சுரேஷ் நடித்துள்ள புதிய படத்தின் தலைப்பு மற்றும் போஸ்டரை நடிகர் சிவகார்த்திகேயன் ட்விட்டரில் வெளியிட்டு இருக்கிறார். ஜோசப் என்ற மலையாள படத்தில் ரீமேக் தான் இந்த படம். இதற்கு தமிழில் விசித்திரன் என பெயரிட்டிருக்கிறார்கள்.

ஜோசப் படத்தில் ஜோஜு ஜார்ஜ் ஹீரோவாக நடித்திருந்தார். அங்கு நல்ல வரவேற்பு அந்த படம் பெற்ற நிலையில் தற்போது தமிழில் ரீமேக் செய்யப்பட்டு வருகிறது. விசித்திரன் படத்தினை இயக்குனர் எம் பத்மகுமார் இயக்கி வருகிறார்.


தற்போது சிவகார்த்திகேயன் வெளியிட்டிருக்கும் விசித்திரன் படத்தின் ஃபர்ஸ்ட் லுக் போஸ்டர் ரசிகர்களையும் கவர்ந்து வருகிறது. இந்த படத்திற்கு ஜி.வி. பிரகாஷ் இசை அமைத்து இருக்கிறார். இறுதிக் கட்ட பணிகளில் என போஸ்டரில் குறிப்பிட்டு இருக்கிறார்கள் என்பதால் படத்தின் பணிகள் கிட்டத்தட்ட முடிந்துவிட்டது என்று தெரிகிறது. இதனால் விரைவில் இந்த படம் ரிலீஸாக வாய்ப்பு இருக்கிறது என்றும் எதிர்பார்க்கப்படுகிறது.

ஆர்.கே சுரேஷ் இதற்கு முன்பு பாலாவின் தாரை தப்பட்டை படத்தில் கொடூரமான வில்லனாக நடித்திருந்தார். அது தவிர பல படங்களில் ஹீரோவாகவும் நடித்து இருக்கிறார். விசித்திரன் படத்தில் அவர் இரண்டு கதாபாத்திரங்களில் நடத்து இருப்பது குறிப்பிடத்தக்கது. ஒரு ரோலுக்காக அவர் தன்னுடைய உடலை ஃபிட்டாக 73 கிலோவாக குறைத்து இருந்தார். மற்றொரு ரோலுக்காக அவர் 22 கிலோ உடல் எடையை அதிகரித்து குண்டாக தொப்பையுடன் இருக்கும் புகைப்படமும் கடந்த ஜனவரி மாதம் வெளியாகி இருந்தது. ஒரு ரோலுக்கு 95 கிலோ, மற்றொரு ரோலுக்கு 73 கிலோ என அப்படியே தன்னுடைய உடலை ஆர்கே சுரேஷ் மாற்றியிருந்தது பலருக்கும் மிகப் பெரிய ஆச்சர்யத்தை கொடுத்திருந்தது குறிப்பிடத்தக்கது.

மலையாளத்தில் ஜோசப் படத்தினை இயக்கிய எம் பத்மகுமார் தான் தமிழிலும் அதனை இயக்கி உள்ளார். இதற்கு முன்பு அவர் மோகன்லால், மம்முட்டி போன்ற மலையாள சூப்பர் ஸ்டார் நடிகர்களுடன் பணியாற்றியிருக்கிறார் என்பது குறிப்பிடத்தக்கது.