பெண் குரலில் டப்பிங்: கமல் பாணியில் சிவகார்த்திகேயன்

சென்னை: இயக்குனர் பாக்யராஜ் கண்ணன் இயக்கத்தில் உருவாகி வரும் 'ரெமோ' படத்தில் சிவகார்த்திகேயன் நடித்துள்ள பெண் வேடத்திற்கு அவரே டப்பிங் செய்யவிருப்பதாக தகவல்கள் வெளியாகியுள்ளன.

ஆஸ்கார் விருது வென்ற ரசூல்பூக்குட்டி ஒலிப்பதிவு செய்யும் ரெமோ படத்தில் பெண் வேடத்திற்கு ஏற்றவாறு டப்பிங் செய்வார் என எதிர்ப்பார்க்கப்படுகிறது. தற்போது, இறுதிகட்ட படப்பிடிப்பில் இருக்கும் ரெமோ படத்திற்கு அனிருத் இசையமைத்துள்ளார்.

24 எம் ஸ்டுடியோஸ் தயாரித்துள்ள இப்படத்தில் இரண்டாவது முறையாக கீர்த்தி சுரேஷ் மற்றும் சிவகார்த்திகேயன் ஜோடி சேர்ந்து நடித்துள்ளனர். இதன் முதல் பார்வை போஸ்டர் வருகிற ஜூன் 9ஆம் தேதி வெளியாகவிருக்கிறது.