Vignesh Shivan: எஸ்கே17க்காக லைகா உடன் இணைந்த சிவகார்த்திகேயன் – விக்னேஷ் சிவன்!

சிவகார்த்திகேயனின் 17ஆவது படத்தை லைகா புரோடக்‌ஷன் நிறுவனம் தயாரிப்பதாக அறிவிப்பு வெளியிட்டுள்ளது.

தமிழ் சினிமாவில் முன்னணி நடிகர்களில் ஒருவராக இருப்பவர் நடிகர் சிவகார்த்திகேயன். சீமராஜா படத்தைத் தொடர்ந்து வரிசையாக பல படங்களில் நடித்து வருகிறார். இவரது நடிப்பில் அடுத்து வெளியாகவுள்ள படம் மிஸ்டர் லோக்கல். இப்படத்தை இயக்குனர் ராஜேஷ் இயக்கியுள்ளார். ஞானவேல் ராஜா இப்படத்தை தயாரிக்கிறார்.

இப்படத்தில் இவருக்கு ஜோடியாக லேடி சூப்பர் ஸ்டார் நயன்தாரா நடித்துள்ளார். மேலும், யோகி பாபு, ராதிகா சரத்குமார், ஆர்.ஜே.பாலாஜி, சதீஷ், ரோபோ சங்கர், பிரகாஷ் ராஜ் ஆகியோர் உள்பட ஏராளமான பிரபலங்கள் நடித்துள்ளனர். மிஸ்டர் லோக்கல் சிவகார்த்திகேயனின் 13 ஆவது படம் என்பது குறிப்பிடத்தக்கது. 14ஆவது படத்தை இயக்குனர் ரவிக்குமார் இயக்குகிறார். இப்படத்தின் படப்பிடிப்பு தொடர்ந்து நடந்து வருவதாக தகவல் வெளியாகியுள்ளது.

Also Read This: PS Mithran:”ஹீரோ”வான சிவகார்த்திகேயன்: பூஜையுடன் தொடங்கிய 15ஆவது படத்தின் படப்பிடிப்பு!


இந்த நிலையில், 16 ஆவது படத்தை மெரினா இயக்குனர் பாண்டிராஜ் இயக்குகிறார் என்றும், இப்படத்தை கலாநிதி மாறனின் சன் பிக்சர்ஸ் நிறுவனம் தயாரிப்பதாகவும் அண்மையில், அதிகாரப்பூர்வ அறிவிப்பு வெளியானது. இதற்கு முன்னதாக, மெரினா மற்றும் கேடி பில்லா கில்லாடி ரங்கா என்ற படத்தில் பாண்டிராஜ் இயக்கத்தில் சிவகார்த்திகேயன் நடித்துள்ளார்.

இப்படத்தைத் தொடர்ந்து சிவகார்த்திகேயனின் 15ஆவது படத்தை விஷாலின் இரும்பும்திரை புகழ் பிஎஸ் மித்ரன் இயக்குகிறார் என்று ஏற்கனவே அறிவிப்பு வெளியான நிலையில், இப்படத்திற்கு ஹீரோ என்று டைட்டில் வைத்துள்ளனர். அதோடு, இப்படத்தின் படப்பிடிப்பு கடந்த 13ம் தேதி பூஜையுடன் தொடங்கியது. மேலும், இப்படத்தை ஐரா படத்தை தயாரித்த கேஜேஆர் ஸ்டூடியோஸ் நிறுவனம் தயாரிக்கிறது என்பது குறிப்பிடத்தக்கது.

இப்படத்தில் சிவகார்த்திகேயனுக்கு ஜோடியாக கல்யாணி ப்ரியதர்ஷன் நடிக்கிறார். இப்படத்தின் மூலம் கல்யாணி ப்ரியதர்ஷன் தமிழில் அறிமுகமாகிறார். மேலும், ஆக்‌ஷன் கிங் அர்ஜூன், இவானா (நாச்சியார்) ஆகியோர் பலர் நடிக்கின்றனர். ஜார்ஜ் சி வில்லியம்ஸ் படத்திற்கு ஒளிப்பதிவு செய்கிறார். ரூபன் எடிட்டிங் செய்கிறார். யுவன் சங்கர் ராஜா இப்படத்திற்கு இசையமைக்கிறார் என்பது குறிப்பிடத்தக்கது.

இந்த நிலையில், தற்போது சிவகார்த்தியேகனின் 17 ஆவது படம் தொடர்பான முக்கிய அறிவிப்பு வெளியாகியுள்ளது. அதன்படி, எஸ்கேயின் 17ஆவது படத்தை இயக்குனர் விக்னேஷ் சிவன் இயக்குகிறார் என்று ஏற்கனவே அறிந்த ஒன்று தான். இந்த நிலையில், இப்படத்தை லைகா புரோடக்‌ஷன்ஸ் தயாரிப்பு நிறுவனம் தயாரிக்க முன்வந்துள்ளது. அதோடு, இப்படத்தின்று அனிருத் இசையமைக்கிறார் என்றும் கூறப்பட்டுள்ளது என்பது குறிப்பிடத்தக்கது. மேலும், வரும் ஜூலை மாதம் இப்படத்தின் படப்பிடிப்பு தொடங்கி வரும் 2020ம் ஆண்டு படம் வெளியாகும் என்று தெரிவிக்கப்பட்டுள்ளது என்பது குறிப்பிடத்தக்கது.

பெரும்பாலும் ஒரு மாஸ் ஹீரோ ஒரு படத்தை முடித்த பிறகு தான் அவரது அடுத்த படத்தின் அறிவிப்பு வெளியாகும். அப்படியிருக்கும் போது சிவகார்த்திகேயனுக்கு தன்னுடைய அடுத்தடுத்த படங்களின் இயக்குனர்கள் பற்றிய அறிவிப்பு வந்த வண்ணம் உள்ளது என்பது தான் ஆச்சர்யப்பட வேண்டிய விஷயம்.