Aaradhana: வா வா டியர் பாதரு….வைரலாகும் சிவகார்த்தியேனின் மகள் ஆராதனா பாடிய பாடல்!

இயக்குநர் பாண்டிராஜ் இயக்கத்தில் சிவகார்த்திகேயன் நடிப்பில் உருவாகியுள்ள படம் நம்ம வீட்டுப்பிள்ளை. இப்படத்தின் படப்பிடிப்பு கடந்த வாரம் முடிக்கப்பட்டுள்ளது. இந்த நிலையில், இப்படத்தின் இசை வெளியீட்டு விழா அண்மையில் நடந்தது. அப்போது, சிவகார்த்திகேயனின் மகள் ஆராதனா அனைவரையும் ஆச்சரியப்படுத்தும் வகையிலும், சிவகார்த்திகேயனுக்கு இன்ப அதிர்ச்சி கொடுக்கும் வகையிலும் பாடல் பாடி அசத்தியுள்ளார்.

வா வா டியரு பாதரு என்று தொடங்கும் அந்தப் பாடலின் வீடியோவை சன் டிவி நிறுவனம் தங்களது ட்விட்டர் பக்கத்தில் பதிவிட்டுள்ளது. மேலும், அதில், பாடங்களில் வரும் பாடல்கள், ஆல்யா பட் நடிப்பில் வரும் ஹிந்தி பாடல், நிலா காய்கிறது என்று பல பாடல்களை பாடி ரசிகர்களை மட்டுமல்லாது சிவகார்த்திகேயனையும் மெய் சிலிர்க்க வைத்துள்ளார்.

செல்வராகவன், தனுஷ் பட டைட்டில்!

சிறுத்தை சிவாவை கழட்டி விட்டாரா ரஜினிகாந்த்?

எனக்கு கிடைக்காதது என் மகளுக்காவது கிடைக்கட்டும்: கண்ணழகி நடிகை

வரும் அக்டோபர் மாதம் இப்படத்தை வெளியிட படக்குழுவினர் தீவிரமாக பணியாற்றி வருவதாக தகவல் வெளியாகியுள்ளது. இப்படத்தில், சிவகார்த்திகேயனுடன் இணைந்து அனு இம்மானுவேல், ஐஸ்வர்யா ராஜேஷ், பாரதிராஜா, சமுத்திரக்கனி, நட்டி என்ற நடராஜ், யோகி பாபு, சூரி, மீரா மிதுன் ஆகியோர் உள்பட பலர் நடித்துள்ளனர்.


இப்படத்திற்கு இமான் இசையமைத்துள்ளார். சன் பிக்சர்ஸ் நிறுவனத்தின் மூலம் கலாநிதி மாறன் இப்படத்தை தயாரித்துள்ளார். கிராமத்து கதையை மையப்படுத்தி இப்படம் உருவாக்கப்பட்டுள்ளது. அண்ணன் தங்கை பாசத்தை உணர்ச்சிப்பூர்வமாக இப்படத்தின் மூலம் காட்டியுள்ளார் இயக்குநனர் பாண்டிராஜ்.

இப்படம் குறித்து சிவகார்த்திகேயன் கூறுகையில், எனது புதிய விளையாட்டு இப்படத்தின் மூலம் தொடங்கியுள்ளது. இது எனது அறிமுக படம் போன்று தோன்றுகிறது என்று குறிப்பிட்டுள்ளார். பாண்டிராஜ் – சிவகார்த்திகேயன் கூட்டணியில், இதற்கு முன்னதாக மெரினா, கேடி பில்லா கில்லாடி ரங்கா ஆகிய படங்கள் வெளியாகியிருந்தது என்பது குறிப்பிடத்தக்கது.

இதே போன்று பாண்டிராஜ் இயக்கத்தில் இதற்கு முன்னதாக வந்த கடைக்குட்டி சிங்கம் படம் குடும்பக் கதையை மையப்படுத்தி உருவாக்கப்பட்டிருந்தது. இப்படத்திற்கு விமர்சன ரீதியாகவும், வசூல் ரீதியாகவும் நல்ல வரவேற்பு கிடைத்தது.