சிவகார்த்திகேயன் கலக்கிட்டாரு.. கண்டிப்பா ப்ளாக் பஸ்டர்: 'டான்' ட்விட்டர் விமர்சனம்.!

சிவகார்த்திகேயனின் நடிப்பில் அண்மையில் வெளியான 'டாக்டர்' படம் ரசிகர்கள் மத்தியில் அமோக வரவேற்பினை பெற்றது. அதனை தொடர்ந்து அறிமுக இயக்குனர் சிபி சக்கரவர்த்தி இயக்கும் 'டான்' படத்தில் நடித்து முடித்துள்ளார். இந்தப்படத்தின் முதல் நாள் முதல் காட்சியை பார்த்துள்ள ரசிகர்கள் பலவிதமான கமெண்ட்களை இணையத்தில் குவித்து வருகின்றனர்.

அட்லியிடம் உதவி இயக்குனராக பணியாற்றிய சிபி சக்கரவர்த்தி 'டான்' படத்தை இயக்கியுள்ளார். இந்தப்படத்தில் சிவகார்த்திகேயன் மற்றும் சூரி ஆகிய இருவரும் கல்லூரி மாணவர்களாக நடிக்கின்றனர். பிரியங்கா அருள்மோகன் நாயகியாக நடிக்கும் இந்த படத்தில் புகழ், ஷிவாங்கி, எஸ்.ஜே.சூர்யா, காளி வெங்கட் உள்பட பலர் நடித்துள்ளனர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

அனிருத் இசையமைத்துள்ள இந்த படத்தை லைகா நிறுவனத்துடன் இணைந்து சிவகார்த்திகேயன் புரொடேக்சன்ஸ் தயாரித்துள்ளது. இந்தப்படத்தின் பாடல்கள் அனைத்தும் சூப்பர் ஹிட் அடித்தது. இந்நிலையில் தற்போது முதல் நாள் முதல் காட்சியை பார்த்துள்ள ரசிகர்கள் படம் வேற லெவலில் இருப்பதாக கமெண்ட் அடித்து வருகின்றனர்.

'தலைவர் 169' படத்தில் சிவகார்த்திகேயன்..?: அவரே வெளியிட்ட அதிர்ச்சி தகவல்.!
கண்டிப்பான தந்தையின் பராமரிப்பில் வளரும் மகன் தன்னுடைய வாழ்வில் எப்படி சாதிக்கிறான் என்பதே 'டான்' படத்தின் கதை. இன்ஜினியரிங் டிகிரி வாங்க விடாமல் தடுக்கும் வில்லனாக வரும் எஸ்.ஜே. சூர்யா வருகிறார். இதையெல்லாம் தாண்டி சிவகார்த்திகேயன் எப்படி ஜெயிக்கிறார் என்பதே படத்தின் கதை.


முதல் பாதி முழுவதும் காலேஜ் லைப்பில் செம்ம பன்னாக ஜாலியாக இருப்பதாக ரசிகர்கள் தெரிவித்துள்ளனர். இரண்டாம் பாதி எமோஷனல் மற்றும் அப்பா, மகன் இடையேயான உறவையும் செம்மையாக காட்டியுள்ளதாக ரசிகர்கள் கமெண்ட் அடித்து வருகின்றனர். அனிருத் இசை படத்திற்கு வேற லெவலில் பலமாக அமைந்துள்ளதாகவும் ரசிகர்கள் படத்தை கொண்டாடி வருகின்றனர்.