Vaazhl Aahaa Lyrics Video சிவகார்த்திகேயனின் வாழ் பட பாடல் 'ஆஹா' வைரல்

நடிகர் சிவகார்த்திகேயன் படங்களில் நடிப்பது மட்டுமின்றி தயாரிப்பாளராகவும் பல்வேறு திறமையானவர்களுக்கு வாய்ப்பு வழங்கி வருகிறார். அவரது நண்பர் அருண்ராஜா காமராஜா இயக்குனராக அறிமுகம் ஆன கனா படத்தினை சிவகார்த்திகேயன் தான் அவருக்காக தயாரித்து இருந்தார். அது மட்டுமின்றி அவர் அந்த படத்தின் ஒரு கெஸ்ட் ரோலிலும் நடித்து இருப்பார்.

இந்நிலையில் தற்போது சிவகார்த்திகேயன் அவரது தயாரிப்பு நிறுவனம் மூலமாக வாழ் என்ற படத்தினை தயாரித்து வருகிறார். அருவி பட புகழ் அருண் பிரபு புருசோத்தமன் இயக்கி வரும் இந்த படத்தின் போஸ்டர் கடந்த ஜூன் மாதம் வெளியிட்டு இருந்தார்.

இதனை தொடர்ந்து தற்போது இந்த படத்தின் முதல் பாடல் அதிகாரபூர்வமாக வெளியிடப்பட்டு இருக்கிறது. இதை ட்விட்டரில் பகிர்ந்து இருக்கும் சிவகார்த்திகேயன், "எங்களது சிவகார்த்திகேயன் ப்ரொடக்ஷன் நிறுவனத்தின் வாழ் முதல் பாடல் - ஆஹா. பிரதீப் விஜய் இசையமைப்பில் இந்த பாடலுக்கு காட்சிகளை ஷெல்லி எடுத்துள்ளார். உங்களுக்கு இது பிடிக்கும் என நான் நம்புகிறேன்" என பதிவிட்டு இருக்கிறார்.


அருண் பிரபு புருசோத்தமன் இயக்கிய அருவி படம் நல்ல விமர்சனம் பெற்ற நிலையில், வாழ் படத்திற்கும் தமிழ் சினிமா ரசிகர்கள் மத்தியில் பெரிய எதிர்பார்ப்பு எழுந்திருக்கிறது. அது மட்டுமின்றி இதனை சிவகார்த்திகேயன் தயாரிக்கிறார் என்பதால் எதிர்பார்ப்பு இன்னும் அதிகமாகி இருகிறது.

சற்றுமுன் வெளிவந்திருக்கும் ஆஹா பாடல் நல்ல வரவேற்பை பெற்று வருகிறது. அதில் இருக்கும் காட்சிகள் மிகவும் அழகான வகையில் எடுக்கப்பட்டு இருக்கிறது என அவரது ரசிகர்கள் தெரிவித்து இருக்கிறார்கள். மேகம் மூடிய மலைகள், இயற்கை காட்சிகள் என அது பார்ப்பவர்களை ஈர்க்கும் வகையில் இருக்கிறது என சமூக வலைத்தளங்களில் கூறி வருகிறார்கள்.

சிவகார்திகேய தயாரிப்பு நிறுவனத்தின் மூன்றாவது படம் இது. சிவகார்த்திகேயன் நடிப்பில் தற்போது உருவாகி வரும் டாக்டர் படத்தினையும் அவரது சொந்த நிறுவனம் மூலமாகவே தயாரித்து வருகிறார் என்பது குறிப்பிடத்தக்கது.

கோலமாவு கோகிலா பட புகழ் நெல்சன் திலீப் குமார் தான் இந்த புதிய படத்தினை இயக்கி வருகிறார். அனிருத் இசையமைத்து வரும் இந்த படத்தில் இருந்தும் இரண்டு பாடல்கள் இதுவரை வெளியாகி நல்ல வரவேற்பை பெற்று இருக்கின்றன என்பது குறிப்பிடத்தக்கது.