எனக்கு கொரோனாவா?: செல்ஃபி மூலம் சிவகுமார் பதில்

நடிகர் சிவகுமார் யோகா, தியானம் செய்து இன்னும் இளைஞர் போன்று இருக்கிறார். அவரை பார்த்தால் 79 வயது நபர் போன்றே தெரியாது. இந்நிலையில் சிவகுமார் நேற்று மருத்துவமனைக்கு சென்றிருக்கிறார். வழக்கமான பரிசோதனைக்காக சென்றிருக்கிறார்.

இதற்கிடையே சிவகுமாருக்கு கொரோனா வைரஸ் பாதிப்பு ஏற்பட்டு வீட்டில் தன்னை தனிமைப்படுத்திக் கொண்டுள்ளார் என்கிற தகவல் வெளியாகி தீயாக பரவியது. இந்த வயதில் கொரோனா வைரஸ் பாதிப்பு ஏற்பட்டால் பிரச்சனையாகிவிடுமே என்று சூர்யா, கார்த்தி ஆகியோரின் ரசிகர்கள் கவலை அடைந்தனர்.

இந்நிலையில் சிவகுமாருக்கு கொரோனா வைரஸ் பாதிப்பு இல்லை என்பது தெரிய வந்துள்ளது. அவருக்கு கொரோனா பரிசோதனை செய்யப்பட்டதில் நெகட்டிவ் என்று வந்திருக்கிறது. தான் நலமாக இருப்பதை ரசிகர்களுக்கு தெரிவிக்க சிவகுமார் சிரித்தபடி செல்ஃபி எடுத்துள்ளார்.

அந்த செல்ஃபி சமூக வலைதளங்களில் வெளியாகி வைரலாகியுள்ளது. சிவகுமாரின் செல்ஃபியை பார்த்த ரசிகர்கள் நிம்மதி அடைந்துள்ளனர். கொரோனா வைரஸால் பாதிக்கப்படுவோரின் எண்ணிக்கை குறைந்தாலும் எச்சரிக்கையாக இருக்க வேண்டியிருக்கிறது.

வயதானவர்களுக்கு கொரோனா பாதிப்பு ஏற்பட்டால் என்னவாகிறது என்பதை பலரும் பார்த்துள்ளனர். இந்நிலையில் தான் சிவகுமார் பற்றி வெளியான தகவல் அறிந்து ரசிகர்கள் கவலை அடைந்தனர் என்பது குறிப்பிடத்தக்கது.

என்னாது, ரஜினிக்கு காய்ச்சலா?

இந்த வயதிலும் சுறுசுறுப்பாக இருக்கும் சிவகுமார் பலருக்கும் இன்ஸ்பிரேஷனாக இருக்கிறார். முன்னதாக ரஜினிக்கு காய்ச்சல் என்றும், அது கொரோனா பாதிப்பு தான் என்றும் தகவல் வெளியானது. ஆனால் ரஜினிக்கு காய்ச்சல் எல்லாம் இல்லை, அவர் நலமாக இருக்கிறார் என அவரின் பி.ஆர்.ஓ. விளக்கம் அளித்தார்.

பிரபலங்கள் யாருக்காவது கொரோனா பாதிப்பு என்று வதந்தி பரவுவது அதிகரித்து வருகிறது.