சிவலிங்கா படத்தில் வடிவேலு நடித்துள்ள ஒரு நிமிடக்காட்சி வெளியீடு!

லாரன்ஸ், ரித்திகா சிங், வடிவேலு உள்ளிட்ட பல நட்சத்திரங்கள் நடித்துள்ள சிவலிங்கா படத்தின் ஒரு நிமிட டீசர் காட்சி இணையத்தில் வெளியிடப்பட்டுள்ளது.

இயக்குநர் பி.வாசு இயக்கத்தில் லாரன்ஸ் நடித்து வெளிவர இருக்கும் திரைப்படம் சிவலிங்கா. பேய்ப்படத்திற்கும் லாரன்ஸூக்கும் ரொம்பவே ராசி என்பதால், பி.வாசு இயக்கியுள்ள இந்தப்பேய்ப்படம் எப்படி இருக்கும் என்று பெரும் எதிர்பார்ப்பு நிலவுகிறது. மேலும் நீண்ட நாட்களுக்கு வடிவேலு காமெடி கலாட்டா செய்ய இறங்கியுள்ளார். வடிவேலு நடித்த கத்திசண்டை எதிர்பார்த்த வரவேற்பை பெறவில்லை என்றாலும், சிவலிங்கா திரைப்படம் நிச்சயமாக மிகுந்த வரவேற்பை பெறும் என்று படக்குழுவினர் கூறியுள்ளனர்.

திரைப்படம் வெளியாவதற்கு முன்பு டீசர், டிரைலர் வெளியான காலம் போய் தற்போது திரைப்படம் வெளியாவதற்கு இரண்டு அல்லது மூன்று நாட்களுக்கு முன்பு படத்தின் இரண்டு நிமிட காட்சி, ஐந்து நிமிட காட்சி வெளியாவது டிரெண்டாகி உள்ளது. அந்த வகையில் சிவலிங்கா திரைக்கு வர தயாராக இருக்கும் நிலையில் படத்தின் ஒரு நிமிட காட்சி வெளியாகியுள்ளது. இதில் வடிவேலு இருக்கிறார் என்பது குறிப்பிடத்தக்க ஒன்று!