யப்பா சாமி முடியல.. 'மாநாடு' பட சீனை பங்கமாய் கலாய்த்த நெட்டிசன்: வைரலாகும் வீடியோ!

சுரேஷ் காமாட்சி தயாரிப்பில், வெங்கட் பிரபு இயக்கத்தில் சிம்பு நடிப்பில் வெளியான படம் 'மாநாடு'. கடந்த மாதம் வெளியான இந்தப்படம் ரசிகர்கள் மத்தியில் அமோக வரவேற்பினை பெற்றுள்ளது. இந்நிலையில் இந்தப்படத்தில் சிம்பு சிங்கிள் டேக்கில் ஓகே பண்ணிய காட்சியை, கரகாட்டக்காரன் பட கட்சியுடன் ஒப்பிட்டு வெளியாகியுள்ள வீடியோ தற்போது இணையத்தில் வைரலாகி வருகிறது.

'மாநாடு' படத்தில் சிம்புவிற்கு ஜோடியாக கல்யாணி நடித்துள்ளார். இவர்களுடன் எஸ்ஏ சந்திரசேகர், பாரதிராஜா, எஸ்.ஜே.சூர்யா, பிரேம்ஜி, அரவிந்த் ஆகாஷ், ஒய்.ஜி.மகேந்திரன், வாகை சந்திர சேகர், டேனியல் பாலாஜி, மனோஜ், பிரேம்ஜி, உதயா மற்றும் கருணாகரன் உள்ளிட்ட நட்சத்திர பட்டாளங்களே இந்தப்படத்தில் நடித்துள்ளனர்.

'மாநாடு' படம் சிம்புவின் கம்பேக் படமாக அமைந்துள்ளது. அனைத்து தரப்பினர் மத்தியிலும் பாசிட்டிவ்வான விமர்சனங்களையே பெற்றுள்ளது இந்தப்படம். பிரபலங்களின் பாராட்டு மழையிலும் நனையும் இந்தப்படம், வசூலிலும் சாதனை படைத்து வருகிறது. 'மாநாடு' படத்திற்கு கிடைத்த பிரம்மாண்ட வெற்றியை அண்மையில் கேக் வெட்டி கொண்டாடினார்கள் படக்குழுவினர்.

அதுல்யாவுக்கு கிஸ் அடித்த மர்ம நபர்: இணையத்தில் கசிந்த வீடியோவால் பரபரப்பு!
இந்நிலையில் 'மாநாடு' படத்தில் சிம்பு நடித்த சிங்கிள் டேக் காட்சியை படக்குழுவினர் அண்மையில் வெளியிட்டனர். எஸ்.ஜே. சூர்யாவிடம் தன்னை கொல்ல சொல்லி சிம்பு நடித்த அந்த காட்சிக்கு திரையரங்கிலும் ரசிகர்கள் ஆரவாரம் செய்தனர். இந்த மேக்கிங் வீடியோ அண்மையில் வெளியாகி இணையத்தில் வைரலானது.


இந்நிலையில் இந்த காட்சியை கவுண்டமணி, செந்தில் வாழைப்பழ காமெடி காட்சியுடன் மிக்ஸ் செய்து வீடியோ ஒன்றை உருவாக்கியுள்ளார் நெட்டிசன் ஒருவர். இந்த வீடியோவை வெங்கட் பிரபு, எஸ்.ஜே. சூர்யா, பிரேம்ஜி உள்ளிட்ட படக்குழுவினரும் தங்கள் ட்விட்டர் பக்கத்தில் பகிர்ந்துள்ளனர். இந்த வீடியோ தற்போது இணையத்தில் வைரலாகி வருகிறது.