விஜய் உடன் மோதும் எஸ்.ஜே.சூர்யா!

இளைய தளபதி விஜய் நடித்து வரும் புதிய படத்தில் அவருக்கு வில்லனாக, எஸ்.ஜே.சூர்யா நடிக்க உள்ளதாக, தகவல் வெளியாகியுள்ளது.

விஜய் நடிப்பில், குஷி படத்தின் மூலமாக இயக்குனராக அறிமுகம் ஆனவர் எஸ்.ஜே.சூர்யா. ஆனால், அவர் இயக்குனர் தொழிலை விட்டுவிட்டு படங்களில் நடிக்க ஆரம்பித்துவிட்டார்.

‘இசை’ படத்தின் தோல்விக்குப் பின் தற்போதைக்கு எந்தப் படத்தையும் இயக்கப்போவதில்லை என்று முடிவு செய்துள்ளார். அதேசமயம், தற்போது நடிப்பில் தன் கவனத்தை செலுத்தி வருகிறார். கடைசியாக அவர் நடித்த படம் ‘இறைவி’.

இந்தப் படத்தை அடுத்து செல்வராகவனின் ‘நெஞ்சம் மறப்பதில்லை’ படத்தில் நாயகனாக நடித்துள்ளார். அதையடுத்து ஏ.ஆர்.முருகதாஸ் இயக்கத்தில் ‘சம்பவாமி யுகே யுகே’ படத்தில் வில்லனாக நடிக்கிறார்.

இந்நிலையில், விஜய் நடிப்பில் அட்லி இயக்கும் புதிய படத்திலும் வில்லனாக நடிக்கிறார் எஸ்.ஜே.சூர்யா. இது விஜய்யின் 61வது படம். இந்தப் படத்தின் படப்பிடிப்பு சென்னை பின்னி மில்லில் நடந்து வருகிறது. விரைவில் விஜய்யுடன், வில்லன் எஸ்.ஜே.சூர்யா மோதும் அனல் பறக்கும் சண்டைக் காட்சிகள் படமாக்கப்படவுள்ளது.

Kollywood: director turned actor SJ Surya to fight with Ilayathalapathy Vijay in a new film.