சசிகுமார் தயாரித்து நடிக்கும் புதிய படம்

கிடாரி படத்தின் வெற்றியைத் தொடர்ந்து அடுத்த படத்தை தயாரித்து நடிக்கவுள்ளார் சசிகுமார். தன்னுடைய கம்பெனி புரோடக்ஷன்ஸ் நிறுவனத்தின் மூலம் புதிய படத்தை தயாரித்து நடிக்கிறார். பாலா மற்றும் சுதா கொங்காராவிடம் உதவி இயக்குனராக பணியாற்றிய பிரகாஷ் இப்படத்தின் மூலம் கதை, திரைக்கதை மற்றும் வசனம் எழுதி இயக்குனராக அறிமுகமாகிறார்.

மூத்த நடிகரான ரவிச்சந்திரனின் பேத்தியான தன்யா ரவிச்சந்திரன் அலப்பரை என்று பெயரிடப்பட்டுள்ள இப்படத்தில் ஹீரோயினாக நடிக்கிறார். மேலும், கோவை சரளா, சங்கிலி முருகன், லீசா ஆகியோர் பலர் நடிக்கின்றனர்.

அனைத்து தரப்பு ரசிகர்களும் ரசிக்கும்படி இந்தப் படம் மிகவும் ஜனரஞ்சகமான முறையில் எடுக்கப்படவுள்ளதாக இயக்குனர் தெரிவித்துள்ளார். தர்புகா சிவா இசையமைக்கும் இப்படத்திற்கு ஐவராட்டம், உறுமீன் ஆகிய படங்களின் ஒளிப்பதிவாளராக பணியாற்றிய ரவீந்திரநாத் குரு ஒளிப்பதிவு செய்கிறார் என்பது குறிப்பிடத்தக்கது. தற்போது மற்ற நடிகர் மற்றும் நடிகைகள் குறித்து தேர்வு நடந்து வருகிறது.