நடிகர்களுக்கு இணையான சம்பளம் நடிகைகளுக்கும் வேண்டும்: - சோனாக்ஷி!

நடிகர்களுக்கு இணையான சம்பளம் நடிகைகளுக்கும் தரப்பட வேண்டும் என்கிறார் நடிகை சோனாஷி சின்ஹா.

நடிகை சோனாஷி ‘அகிரா’ படத்தை அடுத்து தற்போது வெளியாக உள்ள படம் ‘நூர்’. இதில் சோனாக்ஷி, கதையின் நாயகியாக பத்திரிகையாளர் கேரக்டரில் நடித்திருக்கிறார். படத்தை சுனில் சிப்பி இயக்கி உள்ளார். இந்தப்படம் ஏப்ரல் 21ம் தேதி திரைக்கு வருகிறது.

சமீபத்தில் பத்திரிகையாளர்களை சந்தித்த சோனாக்ஷியிடம், பாலிவுட்டில் என்ன மாற்றம் கொண்டுவரவேண்டும் என்று நீங்கள் விரும்புகிறீர்கள் என்றதற்கு, அதற்கு சோனாக்ஷி ’’ஒரே ஒரு விஷயத்தை தான் மாற்ற நினைக்கிறேன், அது நடிகைகளின் சம்பளப் பிரச்னைதான். நாங்கள் எல்லோரும் நடிகர்கள். வயது வித்தியாசமின்றி அனைவரும் நடிக்கின்றனர். இன்றைக்கு பெண்களை மையமாக வைத்து நிறைய படங்கள் வெளிவர தொடங்கிவிட்டன. ஆகையால் நடிகர்களுக்கு சமமான சம்பளத்தை நடிகைகளுக்கும் வழங்கப்பட வேண்டும், அதில் பாரபட்சம் ஏன் காட்டுகிறார்கள். இதில் மாற்றம் வேண்டும்’’ என்று கறினார்.

sonakshi want actors equal salary