வாழ்க்கை பாடங்களை கற்பித்த பாட்டி இறந்த சோகத்தில் சோனம்

பாலிவுட் நடிகை சோனம் கபூரின் பாட்டி திருபாதி ஹிங்கோராணி பம்பானி நேற்று மரணமடைந்தார்.

பாலிவுட் நடிகை சோனம் கபூரின் பாட்டி திருபாதி ஹிங்கோராணி (89) பம்பானி நேற்று மரணமடைந்தார். இது குறித்து பாலிவுட் நடிகை சோனம் கபூர் கூறுகையில், லவு யு நானி உங்களை மிஸ் பண்ணுகிறோம். 23.05.1928 முதல் 29-04-2017 வரை உங்களது வாழ்க்கை பாடங்களை எங்களுக்கு கற்பித்த உங்களுக்கு எனது நன்றியினை தெரிவித்துக்கொள்கிறேன். நீங்கள் எப்போது எங்களது இதயத்தில் இருப்பீர்கள் என்று கூறியுள்ளார். அதோடு பாட்டியுடன் இருக்கும் சிறு வயது புகைப்படத்தையும் வெளியிட்டுள்ளார்.



இவரைத் தொடர்ந்து சோனம் கபூரின் சகோதரி தயாரிப்பாளர் ரியா கபூர் கூறுகையில், அவரது மறைவுக்கு எனது ஆழ்ந்த இரங்களை தெரிவித்துக் கொள்கிறேன். என்ன ஒரு சிறந்த பெண்மணி, என்ன ஒரு மரபு. அவரை எப்போதும் நினைத்துக் கொண்டிருப்போம் என்று அவர் தெரிவித்துள்ளார். பாட்டியுடன் இருக்கும் அவரது சிறு வயது புகைப்படத்தையும், இன்ஸ்டாகிராமில் வெளியிட்டுள்ளார்.