‘விவேகம்‘ பாடல் உரிமையை வாங்கிய நிறுவனம்!

அஜீத்தின் ‘விவேகம்’ படத்தின் பாடல் உரிமையை பிரபல சோனி நிறுவனம் வாங்கியுள்ளது.

‘சிறுத்தை’ சிவா இயக்கத்தில் நடிகர் அஜீத் நடிப்பில் உருவாகி வரும் படம் ‘விவேகம்‘. இந்தப் படம் ஆகஸ்ட் மாதம் வெளியாகவுள்ளது. இந்த படத்திற்கு அனிருத் இசையமைத்துள்ளார். பாடல் பணிகள் கிட்டத்தட்ட முடியும் தருவாயில் உள்ளது.

இந்த நிலையில் ‘விவேகம்‘ படத்தின் பாடல்கள் உரிமையை சோனி மியூசிக் நிறுவனம் மிகப்பெரிய தொகை கொடுத்து வாங்கியுள்ளது. ஏற்கனவே அஜீத் நடித்த ‘மங்காத்தா’, ‘பில்லா 2’, ‘ஆரம்பம், ‘என்னை அறிந்தால்’, ‘வேதாளம்‘ ஆகிய படங்களின் இசை உரிமையையும் இதே நிறுவனம் தான் பெற்றுள்ளது என்பது குறிப்பிடத்தக்கது.

ஹாலிவுட் தரத்தில் உருவாக்கப்பட்டுள்ள இந்த படத்திற்கு இசையமைப்பாளர் அனிருத்தும் ஹாலிவுட் தரத்தில் பின்னணி இசை அமைத்துள்ளதாகவும் ‘வேதாளம்’ படத்தை அடுத்து அனிருத்துக்கு மேலும் ஒரு வெற்றிப்படமாக இந்த படம் இருக்கும் என்றும் கூறப்படுகிறது.