சாதனைக்கு மேல் சாதனையை குவிக்கும் 'சூரரைப் போற்று'

சூர்யா நடிப்பில் வெளியான 'சூரரைப் போற்று' ட்விட்டரில் அதிகம் பதிவிடப்பட்ட படம், கூகளில் அதிகம் தேடப்பட்ட படமென தொடர்ந்து பல்வேறு சாதனைகளை படைத்து வருகிறது.

இதில் அடுத்த புதிய சாதனையாக, ராம் சினிமாஸ் சார்பாக நடத்தப்பட்ட விருப்பமான திரைப்படத்திற்கான வாக்கெடுப்பில் 97.4 ஆயிரம் வாக்குகள் பெற்று 'சூரரைப் போற்று' முதல் இடம் பிடித்திருக்கிறது.

சுதா கொங்கரா இயக்கத்தில் சூர்யா நடித்த 'சூரரைப் போற்று' திரைப்படம், கடந்த நவம்பர் 12-ம் தேதி அமேசான் ப்ரைம் ஓடிடி தளத்தில் வெளியானது. அதிகம் பார்க்கப்பட்ட படங்களின் பல்வேறு முந்தைய சாதனைகளை 'சூரரைப் போற்று' உடைத்து வருகிறது.

ஜி.வி. பிரகாஷ் இசையமைத்துள்ள இப்படத்தில் அபர்ணா பாலமுரளி, ஊர்வசி, விவேக் பிரசன்னா, காளி வெங்கட், கருணாஸ் உள்ளிட்ட பலர் நடித்துள்ளனர். விமர்சன ரீதியாக இப்படத்திற்கு பெரும் வரவேற்பு கிடைத்தது.

விக்ரம் மகனாச்சே: த்ருவிடம் வேறு என்னத்த எதிர்பார்க்க

இந்நிலையில், ராம் சினிமாஸ் சார்பாக ரசிகர்களின் விருப்பத்திற்குரிய படத்திற்கான வாக்கெடுப்பு நடத்தப்பட்டது. இதில் 97.4 ஆயிரம் வாக்குகளுடன் 'சூரரைப் போற்று' முதல் இடத்தை பெற்றிருக்கிறது. ஏற்கெனவே இந்த போட்டிகளில் பங்கேற்ற கில்லி, அசுரன் ஆகிய படங்களை விட 'சூரரைப் போற்று' அதிக சதவீதத்தில் வாக்குகளை பெற்றிருப்பது இதன் மற்றொரு சிறப்பம்சம். வாக்கெடுப்பு, அதன் முடிவுகள் அனைத்தையும் அறிவித்துள்ள ராம் சினிமாஸ், போட்டியில் பங்கேற்ற அனைத்து படங்களுக்கும் வாழ்த்து தெரிவித்துள்ளது.