தமிழக முதலமைச்சரை நேரில் சந்தித்து வாழ்த்து பெற்ற ரஜினி மகள்: காரணம் இதுதான்!

நடிகர் ரஜினிகாந்தின் மகள் சௌந்தர்யா, தான் புதிதாக தொடங்கியிருக்கும் 'Hoote' செயலி குறித்து முதலமைச்சர் ஸ்டாலினிடம் கூறி, வாழ்த்துகளை பெற்றுள்ளார். இந்த உரையாடலின் போது முதலமைச்சரை நேரில் சந்தித்து எடுத்து கொண்ட புகைப்படத்தை தனது ட்விட்டர் பக்கத்தில் பகிர்ந்துள்ளார் செளந்தர்யா ரஜினிகாந்த்.

சௌந்தர்யா ரஜினிகாந்த் hoote எனும் புதிய செயலி உருவாக்கி உள்ளார். இந்த செயலியை நடிகர் ரஜினிகாந்த் தனது வாழ்த்து குரல் பதிவின் மூலம் தொடங்கி வைத்தார். எழுத படிக்க தெரியாதவர்கள் இந்த செயலி வாயிலாக மற்றவர்களுக்கு தாங்கள் சொல்ல வரும் கருத்துக்களை எளிதாக சொல்ல முடியும் என்று நடிகர் ரஜினிகாந்த் குரல் பதிவில் தெரிவித்து இந்த செயலியை அறிமுகம் செய்து வைத்தார்.

இந்த செயலியை உருவாக்க காரணமாக இருந்தது குறித்து செளந்தர்யா ரஜினிகாந்த் கூறும் போது, இந்த செயலி உருவாக காரணமாக இருந்தது எனது தந்தை தான், எனது தந்தைக்கு தமிழில் அதிகம் எழுத தெரியாது எனவே, ஒரு முறை குரல் வழியாக செய்தி அனுப்பியதே இந்த செயலியை உருவாக்க காரணமாக இருந்தது என்று தெரிவித்திருந்தார்.

ஒத்தையடி பாதையிலிருந்து ஒத்த செருப்பு வரை: ஊடக நண்பர்களுக்கு பார்த்திபன் வேண்டுகோள்!
தமிழ், ஹிந்தி, சமஸ்கிருதம் உள்ளிட்ட 15 இந்திய மொழிகளிலும், 10 சர்வதேச மொழிகளில் 'hoote' செயலி வெளியிடப்பட்டுள்ளது. வரும் காலத்தில் இன்ஸ்டாகிராம், ட்விட்டர், பேஸ் புக் போல இந்த செயலியும் பிரபலமடையும் என்று தெரிவித்துள்ளார் செளந்தர்யா ரஜினிகாந்த்.


இந்நிலையில் தமிழக முதலமைச்சர் முக ஸ்டாலினை இன்று சந்தித்த சௌந்தர்யா ரஜினிகாந்த், 'Hoote' செயலி குறித்து முதலமைச்சர் ஸ்டாலினிடம் கூறி, வாழ்த்து பெற்றுள்ளார். மேலும், இந்த சந்திப்பின் போது ஸ்டாலினுடன் எடுத்துக்கொண்ட புகைப்படத்தை தனது ட்விட்டர் பக்கத்தில் பகிர்ந்து மாண்புமிகு தமிழக முதலமைச்சர் அவர்களை சந்தித்து ' Hoote’ App.ஐ பற்றி விவரித்து , அவருடைய வாழ்த்துகளை பெற்றதில் மிக்க மகிழ்ச்சி அடைகிறேன் என பதிவிட்டுள்ளார்.