Jailer: 'ஜெயிலர்' படம் குறித்து ரஜினி மகள் சொன்ன விஷயம்: எதிர்பார்ப்பில் ரசிகர்கள்.!

ரஜினியின் 'அண்ணாத்த' படம் பலவித நெகட்டிவ் விமர்சனங்களை தாண்டி பாக்ஸ் ஆபிஸில் வசூல் சாதனையை படைத்தது. ஆனாலும் ரஜினி ரசிகர்களுக்கு இந்தப்படம் பலத்த ஏமாற்றத்தை அளித்தது. இதனை தொடர்ந்து ரஜினியின் அடுத்த பட இயக்குனர்களின் பட்டியலில் பல இளம் இயக்குனர்களின் பெயர்கள் அடிப்பட்டது.

இந்நிலையில் விஜய்யின் 'பீஸ்ட்' படம் வெளியாவதற்கு முன்பாகவே ரஜினியை இயக்கும் வாய்ப்பை கைப்பற்றினார் நெல்சன். கடந்த ஏப்ரல் மாதம் வெளியான 'பீஸ்ட்' படம் குறித்து பலவிதமான நெகட்டிவ் விமர்சனங்கள் இணையத்தில் குவித்தது. இதனால் ‘ஜெயிலர்’ படத்தினை ஹிட்டாக்கி விடவேண்டும் என்ற முனைப்புடன் செயல்பட்டு வருகிறார் நெல்சன்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்நிலையில் கடந்த 22ம் தேதி புதிய போஸ்டருடன் ‘ஜெயிலர்’ படத்தின் ஷூட்டிங் பூஜையுடன் துவங்கியது. மேலும், ரம்யா கிருஷ்ணன், யோகி பாபு, விநாயகன், வசந்த் ரவி ஆகியோர் நடிப்பதாக படக்குழு அதிகாரப்பூர்வ அறிவிப்பும் வெளியிட்டது. ‘படையப்பா’ படத்திற்கு பிறகு ரஜினி, ரம்யா கிருஷ்ணன் காம்போ இணைந்துள்ளது ரசிகர்கள் மத்தியில் எதிர்பார்ப்பினை கிளப்பியுள்ளது.

Love Today: ஒரு போனால் 'கோமாளி' பட இயக்குனர் காதலில் வெடித்த பிரச்சனை.!

இந்நிலையில் அண்மையில் ரஜினியின் இரண்டாவது மகள் சௌந்தர்யாவிற்கு குழந்தை பிறந்தது. தற்போது தனது இன்ஸ்டாகிராம் பக்கத்தில் தான் கர்ப்பமாக இருந்தபோது எடுத்த போட்டோ ஷூட் புகைப்படத்தை பதிவு செய்துள்ளார் சௌந்தர்யா ரஜினிகாந்த். இந்த போட்டோஷுட்டிற்காக தான், விசாகன், வேத் மூவருக்கும் மேக்கப் செய்த தனது தோழி பல்லவிக்கு நன்றி தெரிவித்துள்ளார்.

விவாகரத்து நோட்டீஸ். . 'மர்ம தேசம்' லோகேஷ் தற்கொலைக்கு காரணம் என்ன.?: பரபரப்பு தகவல்.!

மேலும், தற்போது தனது தோழி பல்லவி ‘ஜெயிலர்’ படத்தில் பணியாற்றுவதை அறிந்து மிகவும் மகிழ்ச்சியடைகிறேன் என்றும் தெரிவித்துள்ளார். இதன் மூலமாக அவர் ரஜினி படத்தில் மேக்கப் ஆர்டிஸ்ட்டாக பணியாற்றுவது உறுதியாகியுள்ளது. 'ஜெயிலர்' படப்பிடிப்பு தற்போது விறுவிறுப்பாக நடைபெற்று வருவது குறிப்பிடத்தக்கது.