விஜய் பிறந்தநாளைக்கு தியேட்டரில் சிறப்பு காட்சி!

விஜய் பிறந்தநாளன்று அவர் நடித்த படத்தை தியேட்டரில் சிறப்பு காட்சியாக ஒளிபரப்ப ஜி.கே. சினிமாஸ் ஏற்பாடு செய்யப்பட்டுள்ளது.

இளைய தளபதி விஜய்யின் பிறந்தநாள் இம்மாதம் 22ம் தேதி வருகிறது. ரஜினி, அஜித், விஜய் போன்ற நடிகர்களின் பிறந்த நாளுக்கு, அவர்கள் ஏற்கெனவே நடித்த பிளாக் பஸ்டர் படங்களை ரசிகர்களுக்காக மீண்டும் சிறப்புக் காட்சியாகத் திரையிடுவார்கள். சென்னை, கோயம்பேட்டில் உள்ள ரோகிணி உள்ளிட்ட சில திரையரங்கங்கள் இப்படிச் செய்வார்கள். அதன்படி, விஜய் பிறந்தநாளை முன்னிட்டு, போரூரில் உள்ள ஜிகே சினிமாஸ், ‘போக்கிரி’ திரைப்படத்தை ரசிகர்களுக்கு சிறப்புக் காட்சியாக திரையிட உள்ளது. விஜய், அசின், பிரகாஷ் ராஜ், நெப்போலியன் நடிப்பில் 2007ஆம் ஆண்டு ரிலீஸான படம் ‘போக்கிரி’. இந்தப் படத்தை பிரபுதேவா இயக்கியிருந்தார்.

ஜூன் 22ஆம் தேதி மாலை 7 மணிக்கு இந்தப் படம் திரையிடப்பட இருக்கிறது. இதற்கான டிக்கெட் புக்கிங், இன்று முதல் தொடங்குகிறது. ரோகிணி தியேட்டரில், ‘தலைவா’, ‘துப்பாக்கி’, ‘கத்தி’ என சமீபத்திய படங்களைத் திரையிட இருப்பதாகத் தகவல்கள் தெரிவிக்கின்றன.

Special show for Vijay birthday.