ஸ்பைடர் பட தயாரிப்பாளருக்கு ரூ.50 கோடி நஷ்டம்!

‘ஸ்பைடர்’ படத்தால் தயாரிப்பாளருக்கு ரூ.50 கோடி நஷ்டம் ஏற்பட்டுள்ளதாக கூறப்படுகிறது.

ஏ.ஆர். முருகதாஸ் இயக்கத்தில் மகேஷ்பாபு நடிப்பில் சமீபத்தில் வெளியான படம் ‘ஸ்பைடர்’. இந்தப் படத்தை ரசிகர்கள் பெரிதும் எதிர்பார்த்தனர். ஆனால் அவர்களின் எதிர்பார்ப்பை படம் நிறைவேற்றவில்லை. இப்படம் இந்தியாவிலேயே அதிகம் நஷ்டம் அடைந்த படங்களில் 3-வது இடத்தை வகிக்கிறது.

தற்போது நமக்கு கிடைத்த தகவலின்படி இப்படம் ரூ 50 கோடி வரை தயாரிப்பாளருக்கு நஷ்டம் ஏற்பட்டு இருக்கலாம் என கூறப்படுகின்றது. அதே நேரத்தில் படம் ரூ 150 கோடி வசூல் செய்துள்ளதாக தயாரிப்பாளரே கூறி வருகிறார், எது உண்மை என்று தெரியவில்லை, எப்படியிருந்தாலும் படம் தெலுங்கில் நஷ்டம் தான் என்பது உறுதியாக கூறப்படுகின்றது. மகேஷ்பாபு நடிப்பில் தொடர்ந்து இரண்டாவது மிகப்பெரிய நஷ்டம் ‘ஸ்பைடர்’ என்பது குறிப்பிடத்தக்கது.