மீண்டும் ஏ.ஆர்.முருகதாஸ் – மகேஷ்பாபு? ஸ்பைடர் 2 உருவாக வாய்ப்பு?

மகேஷ்பாபுவின் ஸ்பைடர் படத்திற்கு கிடைத்துள்ள வரவேற்பைத் தொடர்ந்து ஸ்பைடர் படத்தின் 2ம் பாகமும் உருவாகும் என்று எதிர்பார்க்கப்படுகிறது.

ஏ.ஆர்.முருகதாஸ் இயக்கத்தில் முதல் முறையாக தெலுங்கு சூப்பர் ஸ்டார் மகேஷ்பாபு நடித்துள்ள படம் ஸ்பைடர். தமிழ் மற்றும் தெலுங்கு ஆகிய மொழிகளில் உருவாக்கப்பட்டுள்ள இப்படம் உலகம் முழுவதும் வெளியாகியுள்ளது. ரூ.110 கோடி பட்ஜெட்டில் உருவாக்கப்பட்டுள்ள இப்படம் ஏற்கனவே விநியோக உரிமையின் மூலம் ரூ.150 கோடி வசூல் படைத்துவிட்டது. தற்போது முதன் முதலாக ஏ.ஆர்.முருகதாஸ் இயக்கத்தில் குடி மற்றும் புகைப்பழக்க காட்சி இல்லாமல் உருவாக்கப்பட்டுள்ள ஸ்பைடர் படத்திற்கு ரசிகர்களிடையே அமோக வரவேற்பு கிடைத்து வருகிறது. எந்தவித குறையும் சொல்லாமல் நிறையை மட்டும் பெற்றுள்ள இப்படம் நிச்சயம் பாக்ஸ் ஆபிஸ் வசூல் படைக்கும் என்று எதிர்பார்க்கப்படுகிறது.



மற்ற ஹீரோக்களின் படங்களைப் போன்றும் மகேஷ்பாபுவின் ஸ்பைடர் படத்திற்கு ரசிகர்கள் தொடர்ந்து ஆதரவு அளித்ததோடு ஆட்டம் பாட்டம் என்று வரவேற்பு அளித்துள்ளனர். இந்த நிலையில், தமிழ் சினிமாவில் ஒரு படத்திற்கு ரசிகர்களின் ஆதரவு கிடைத்துவிட்டாலும், அப்படத்திற்கு வசூல் ரீதியாக நல்ல வரவேற்பு கிடைத்தாலும் நிச்சயமாக அப்படத்தின் 2ம் பாகம் உருவாவது இயல்பு. அந்த வகையில், மிஷ்கின் இயக்கத்தில் விஷால் நடிப்பில் துப்பறிவாளன் படத்திற்கு நல்ல வரவேற்பு கிடைத்ததைத் தொடர்ந்து அப்படத்தின் 2ம் பாகம் உருவாகிறது என்று விஷால் அறிவிப்பு வெளியிட்டார். இந்த நிலையில், மகேஷ்பாபுவின் ஸ்பைடர் நல்ல வரவேற்பு பெற்று வரும் நிலையில், இதே கூட்டணியில் இப்படத்தின் 2ம் பாகமும் உருவாகும் என்று எதிர்பார்க்கப்படுகிறது.

Spyder audience response is making to create spyder 2 movie