ரூ.100 கோடிக்கு மேல் வசூல் செய்து ஸ்பைடர் சாதனை..!

ஸ்பைடர் திரைப்படத்தின் வசூல் உலகளவில் 100 கோடியைத் தாண்டியிருப்பதாக படக்குழு அதிகாரப்பூர்வமாக அறிவித்துள்ளது.

ஏ.ஆர்.முருகதாஸ் இயக்கத்தில் மகேஷ்பாபு, எஸ்.ஜே.சூர்யா, பரத், ரகுல் ப்ரீத் சிங், ஆர்.ஜே.பாலாஜி உள்ளிட்ட பலர் நடிப்பில் சமீபத்தில் வெளியான படம் 'ஸ்பைடர்'. சந்தோஷ் சிவன் ஒளிப்பதிவு செய்துள்ள இந்த படத்துக்கு ஹாரிஸ் ஜெயராஜ் இசையமைத்துள்ளார்.

தமிழகத்தில் லைகா நிறுவனம் வெளியிட்ட, ஸ்பைடர் திரைப்படம் முதல் நாளிலேயே 51 கோடி ரூபாய் வசூல் செய்துள்ளதாக தகவல்கள் வெளியாகின. இந்த நிலையில் தற்போது, ஸ்பைடர் திரைப்படத்தின் வசூல் உலகளவில் 100 கோடியைத் தாண்டியிருப்பதாக படக்குழு அதிகாரப்பூர்வமாக அறிவித்துள்ளது. மொத்த வசூல்தொகையில், 102.6 கோடி ரூபாயும் அதில் தயாரிப்பாளர் பங்குத் தொகையாக 61.8 கோடி ரூபாயும் கிடைத்திருப்பதாக குறிப்பிடப்பட்டு இருக்கிறது.

Spyder movie collects Rs.100 crore in allover world.