'ரெமோ': சிறப்பு தோற்றத்தில் ஸ்ரீதிவ்யா

சிவகார்த்திகேயன் நடிப்பில் உருவாகி வரும் 'ரெமோ' படத்தில் நடிகை ஸ்ரீதிவ்யா சிறப்பு தோற்றத்தில் நடிக்கக் விருப்பதாக தகவல்கள் வெளியாகியுள்ளன.

'வருத்தப்படாத வாலிபர் சங்கம்', 'காக்கிச்சட்டை' உள்ளிட்ட படங்களில் சிவகார்த்திகேயனுடன் ஜோடி சேர்ந்து நடித்த ஸ்ரீதிவ்யா 'ரெமோ' படத்தின் ஒரு காத்சியில் மட்டும் நடிக்கிறார் என படக்குழு தகவல் தெரிவித்துள்ளது.

இப்படத்தில்,'ஸ்ரீதிவ்யாவாகவே நடிக்கும் இவர் தனது 2 நாள் படப்பிடிப்பில் கலந்துக் கொண்டு நடித்துள்ளார்.

இதனிடையே, சிங்கப்பூரில் நடைபெறும் சைமா விருது வழங்கும் விழாவில் கலந்துக் கொள்ள ரெமோ படக்குழு சிங்கப்பூர் விரைந்துள்ளது. அங்கு இசையமைப்பாளர் அனிருத் இசையில், விக்னேஷ் சிவன் எழுதியுள்ள இப்படத்தின் 2 வது பாடல் ஆல்பமான 'செஞ்சிட்டாளே...' வெளியாகவுள்ளது.