Sri Reddy: ராகவா லாரன்ஸுக்கு சவால் விட்டு ஸ்ரீ ரெட்டி நடன வீடியோ வெளியீடு!!

திரைப்பட இயக்குனரும், நடன இயக்குனருமான ராகவா லாரன்ஸுக்கு சவால் விட்டு ஸ்ரீ ரெட்டி தனது ஃபேஸ்புக்கில் நடன வீடியோவை வெளியிட்டு வாய்ப்பு கேட்டுள்ளார்.

திரை பிரபலங்கள் சிலர் திரைப்படத்தில் நடிக்க தனக்கு வாய்ப்பு அளிப்பதாகக் கூறி, தன்னை படுக்கையில் பயன்படுத்தி விட்டு பின்னர் நடிக்க வாய்ப்பு கொடுக்கவில்லை என்று தெலுங்கு மற்றும் தமிழ் திரை பிரபலங்கள் சிலர் மீது நடிகை ஸ்ரீ ரெட்டி குற்றம்சாட்டி இருந்தார். தமிழ் திரையுலகில் இயக்குனர்கள் ஏ.ஆர், முருகதாஸ், ராகவா லாரன்ஸ், சி. சுந்தர், நடிகர் ஸ்ரீகாந்த் ஆகியோர் மீது குற்றம்சாட்டி இருந்தார்.

இதற்கு சி. சுந்தர் கண்டனம் தெரிவித்து இருந்தார். சமூக ஆர்வலர் வராஹி சென்னை போலீஸ் கமிஷனர் அலுவலகத்தில் நடிகை ஸ்ரீ ரெட்டி மீது புகார் அளித்து இருந்தார். இதுபோன்ற குற்றச்சாட்டுக்களை கூறி ஆதாயம் தேடி வருகிறார் ஸ்ரீ ரெட்டி என்று தனது குற்றச்சாட்டில் வராஹி தெரிவித்து இருந்தார்.
இதற்கிடையே தனது திறமையை வெளிப்படுத்தினால் வாய்ப்பு கொடுப்பதாக ஸ்ரீ ரெட்டியால் குற்றம்சாட்டப்பட்ட ராகவா லாரன்ஸ் தெரிவித்து இருந்தார். இதற்கு சவால் விடும் வகையில் ஃபேஸ்புக் பக்கத்தில் தனது நடன வீடியோவை ஸ்ரீ ரெட்டி வெளியிடடுள்ளார். அந்தப் பதிவில் ராகவா லாரன்ஸ் என்றும் குறிப்பிடடுள்ளார்.