மலையாள படத்தில் தமிழ் பெண்ணாக சிருஷ்டி டாங்கே

மும்பையிலிருந்து நடிகைகள் தமன்னா, காஜல் அகர்வால், ஹன்சிகாவைத் தொடர்ந்து தமிழுக்கு வந்தவர்களில் நடிகை சிருஷ்டி டாங்கேவும் ஒருவர். இவர் தற்போது நடித்து வெளியான படங்கள் ‘தர்மதுரை’, ‘அச்சமின்றி’. இதையடுத்து ‘காலக்கூத்து’, ‘முப்பரிமாணம்’, ‘பொட்டு’, ‘சரவணன் இருக்க பயமேன்’, ‘சத்ரு’ என பல படங்களில் தொடர்ந்து நடித்து வருகிறார்.

இந்த சமயத்தில் தற்போது மோகன்லால் தயாரிதது நடிக்கும் ஒரு மெகா பட்ஜெட் படத்திலும் நடிக்க சிருஷ்டி டாங்கே ஒப்பந்தமாகியுள்ளார். . படத்தை மேஜர் ரவி இயக்குகிறார். இவர் இயக்கத்தில் மோகன்லால் நடிக்கும் ‘1971 பியாண்ட தி பார்டர்’ -என்ற படம் தமிழ், மலையாளம், தெலுங்கு, கன்னடம், இந்தி என ஐந்து மொழிகளில் தயாராகவுள்ளது. இந்த படத்தில் தமிழ் பெண் வேடத்தில் சிருஷ்டி டான்கே நடிக்கிறார்.

இப்படத்தில் நடிப்பது குறித்து சிருஷ்டி டாங்கே கூறுகையில்: தமிழில் தற்போது அதிக படங்களில் நடித்து வருகிறேன். முதல் முறையாக மோகன் லாலுடன் இணைந்து மலையாளம் உள்பட 5 மொழிகளில் உருவாகும் படத்தில் நடிக்க இருக்கிறேன். அவருடன் இணைந்து நடிப்பது எனக்கு மகிழ்ச்சியாக உள்ளது. இப்படத்தின் மூலம் எனக்கு அதிக பட வாய்ப்பு வரும் என்று நான் நம்புகிறேன் என்று தெரிவித்துள்ளார்.