ஆமிர், ரஜினி, மோகன்லாலுடன் சரித்திர படம்? திட்டம் தீட்டும் ராஜமௌலி

சென்னை: இயக்குனர் எஸ்.எஸ்.ராஜமௌலி இயக்கத்தில் பிரம்மாண்டமாக உருவாகியுள்ள 'பாகுபலி' திரைப்படம் இறுதிக்கட்டத்தை எட்டிய நிலையில், தனது அடுத்தப் படத்திற்கான பணிகளில் இயக்குனர் களமிறங்கியுள்ளார்.

மகாபாரத்தை மையமாகக் கொண்டு உருவாகவிருக்கும் படத்தில் இந்திய சினிமாவின் முன்னணி நட்சத்திரங்களான ஆமிர்கான், ரஜினிகாந்த் மற்றும் மோகன்லால் ஆகியோரை வைத்து படமாக்கத் திட்டமிட்டுள்ளதாக தகவல்கள் வெளியாகியுள்ளன.

இந்த திட்டம் நிறைவேறும் பட்சத்தில் 3 இந்திய மொழிகளைச் சேர்ந்த முன்னணி நடிகர்கள் இணைந்து நடிக்கும் படமாக அமையும் என்று கூறப்படுகிறது. சரித்திரங்களை திரைப்படமாக எடுப்பதில் ராஜமௌலி சிறந்தவர் என்பது அனைவரும் அறிந்ததே. அதன்படி, தற்போது அவரது இயக்கத்தில் 2ஆம் பாகமாக உருவாகி வரும் 'பாகுபலி' திரைப்படமும் சரித்திர பின்னணியில் உருவாகியிருப்பது குறிப்பிடத்தக்கது.

தற்போது, 'பாகுபலி 2' திரைப்படத்தின் இறுதிக் கட்டப் பணியில் தீவிரம் காட்டினாலும், மகாபாரதம் மீதுள்ள ஈர்ப்பின் காரணமாக அதனை அடிப்படையாகக்கொண்டு படம் இயக்க ஆர்வமாக இருப்பதாகவும், இப்படத்தில் ஆமிர்கான், ரஜினிகாந்த் மற்றும் மோகன்லால் ஆகியோரை நடிக்க வைக்கவிருப்பதாகவும் தகவல்கள் தெரிவிக்கின்றன.

தமிழ், தெலுங்கு மற்றும் ஹிந்தி ஆகிய மூன்று மொழிகளில் இப்படத்தை சுமார் ரூ.4 கோடி பட்ஜெட்டில் படமாக்க திட்டமிட்டுள்ளதாக கூறப்படுகிறது. இந்நிலையில், கடந்த டிசம்பர் மாதம் 'தங்கல்' திரைப்படத்தின் புரொமோஷன் நிகழ்சிகளில் ஆமிர்கான், தான் இயக்குனர் ராஜமௌலியின் மிகப்பெரிய ரசிகர் என்பதை கூறியிருந்தார்.

மேலும், ராஜமௌலி மகாபாரதம் கதையை உருவாக்கினால் அதில் கிருஷ்ணர் அல்லது கர்ணன் கதாப்பாத்திரத்தில் நடிக்க விரும்புவதாகவும், கிருஷ்ணர் கதாப்பாத்திரத்தில் நடிப்பேன் என்றும் கூறியிருந்தார்.

Filmmaker SS Rajamouli, who is busy with his magnum opus Baahubali: The Conclusion, is already planning his next film. It is expected to be an epic trilogy based on the Mahabharata and is likely to feature three heavyweights of Indian cinema — Aamir Khan, Rajinikanth and Mohanlal, according to Bollywood Life.