இரத்தம் ரணம் ரௌத்திரம்: ராஜமெளலியின் RRR மோஷன் போஸ்டர் வெளியானது

இந்தியா முழுவதும் உள்ள சினிமா ரசிகர்கள் அதிகம் எதிர்பார்க்கும் படம் RRR. பாகுபலி இரண்டு பாகங்களும் பெரிய ஹிட் ஆன நிலையில் அதை தொடர்ந்து ராஜமௌலி இயக்கிவரும் இந்த படத்திற்கு அதிக எதிர்பார்ப்பு எழுந்துள்ளது. ராம் சரண் மற்றும் ஜூனியர் என்டிஆர் ஆகியோர் இந்த படத்தில் நடித்து வருகின்றனர் .

அடுத்த வருடம் ஜனவரி 8ம் தேதி பொங்கல் ஸ்பெஷலாக படம் ரிலீஸ் ஆகும் என அறிவிக்கப்பட்டுள்ளது. தற்போது கொரோனா பாதிப்பு காரணமாக இந்த படத்தின் ஷூட்டிங்கும் நிறுத்தப்பட்டுள்ளது. அதனால் படக்குழு மொத்தமும் வீட்டில் இருந்தே பணியாற்றி வருகிறது.

இன்று மதியம் 12 மணிக்கு RRRன் டைட்டில் லோகோ மற்றும் மோஷன் போஸ்டர் வெளியிடப்பட்டுள்ளது. தற்போது அது இணையத்தில் வைராலாகி கொண்டிருக்கிறது.

"இரத்தம் ரணம் ரௌத்திரம்" என RRR தலைப்பின் முழு விரிவாக்கமும் வெளிவந்துள்ளது.



கொரோனாவால் மக்கள் அனைவரும் வீடுகளுக்கு உள்ளேயே முடங்கி இருக்கும் இந்த சூழலில் இப்படி ஒரு படத்தை வெளியிட வேண்டிய அவசியம் என்ன என்பது பற்றி ராஜமௌலி நேற்று ட்விட்டரில் கூறியுள்ளார்.

மக்களை மனநிலையை மாற்ற சிறு உதவியாக இது இருக்கும் என்பதால் தான் இந்த நேரத்தில் போஸ்டர் வெளியிடுவதாக அவர் தெரிவித்துள்ளர். அதை வீட்டிலிருந்தே பார்த்து ரசியுங்கள் எனவும் கேட்டுக்கொண்டுள்ளார் ராஜமௌலி.