நடித்துக் கொண்டிருக்கும் போது உயிரைவிட்ட பிரபல நகைச்சுவை நடிகர்!

பிரிட்டானியாவை சேர்ந்த ஒரு ஸ்டாண்ட் அப் நகைச்சுவை நடிகர் இயான் காக்னிடோ. இவருக்கு தற்போது 60 வயதாகிறது. இவரது நகைச்சுவைக்காக ஏராளமான ரசிகர்கள் உள்ளனராம்.

இந்நிலையில் நடிகர் இயான் காக்னிடோ, நிகழ்ச்சி ஒன்றில் பங்கேற்றார். இவர் மேடையில் நகைச்சவை காமெடி செய்து கொண்டிருந்தார். அப்போது திடீரென நாற்காலியில் விழுந்தார். இதைப்பார்த்த ரசிகர்கள் வழக்கம்போல் ஏதோ நகைச்சுவை செய்கிறார் என நினைத்தனர். ஆனால் சற்று நேரத்தில் அவர் மயங்கி விழுந்தார்.

அப்பொழுது தான் அவருக்கு ஏதோ பிரச்சனை என மக்கள் உணர்ந்தனர். உடனடியாக அவர் மருத்துவமனைக்கு கொண்டு செல்லப்பட்டார். ஆனால் அவர் ஏற்கனவே உயிரிழந்துவிட்டதாக மருத்துவர்கள் தெரிவித்தனர்.