கொரோனா லாக்டவுன்: வீட்டுக்குள் சிம்பு என்ன செய்கிறார் பாருங்க! வைரல் போட்டோ

கொரோனா வைரஸ் இந்தியாவில் பரவ ஆரம்பித்த நேரத்தில் சிம்பு ஹைதராபாத்தில் மாநாடு ஷூட்டிங்கில் இருந்தார். தொழிலாளர்களின் பாதுகாப்பு தான் முக்கியம் என்று ஷூட்டிங்கை நிறுத்திவிட்டு சென்னை திரும்பியது படக்குழு.

அரசு தடை உத்தரவு பிறப்பிக்கும் பல நாட்கள் முன்பே இது நடந்தது. தற்போது தொடர்ந்து ஊரடங்கு இருப்பதால் வீட்டிலேயே இருக்கிறார் சிம்பு.

நடிகர் மஹத் உள்ளிட்ட நண்பர்கள் உடன் இன்று வீடியோ காலில் இன்று பேசியுள்ளார் அவர். அதன் புகைப்படமே வெளியாகி இணையத்தில் வைரலாகி உள்ளது.

சிம்பு தனது வீட்டில் சமைத்துக்கொண்டிருக்கிறார். அது தான் பலரையும் ஆச்சர்யமடைய வைத்துள்ளது. அந்த புகைப்படத்தை STR ரசிகர்கள் ட்விட்டரில் அதிகம் பகிர்ந்து வருகின்றனர்.

சிம்பு தற்போது எந்த சமூக வலைத்தளத்தையும் பயன்படுத்துவதில்லை. அதனால் அவரை பற்றி எந்த ஒரு விவரமும் வெளியில் வருவதில்லை. அதனால் வருத்தத்தில் இருந்த ரசிகர்களுக்கு தற்போது இந்த புகைப்படம் சர்ப்ரைஸ் கொடுத்துள்ளது.


வெங்கட் பிரபு இயக்கத்தில் மாநாடு படத்தில் நடித்து வரும் சிம்பு, அடுத்து சுதா கொங்கராவின் படத்தில் நடிக்கிறார் என கூறப்படுகிறது. அது பற்றிய அதிகாரப்பூர்வ அறிவிப்பு இன்னும் வெளிவரவில்லை.