'இது நம்ம ஆளு' படத்தின் சாதனை விற்பனை

சிலம்பரசன்-நயன்தாரா இனைந்து நடித்து திரைக்கு வரவுள்ள 'இது நம்ம ஆளு' திரைப்படம் விற்பனையில் சாதனை படைத்துள்ளதாக தகவல்கள் தெரிவித்துள்ளன.

'பசங்க' திரைப்படத்தின் இயக்குனர் பாண்டியராஜ் இயக்கத்தில் நீண்ட நாட்களுக்கு பிறகு ஜோடி சேர்ந்துள்ள சிலம்பரசன், நயன்தாரா மற்றும் ஆண்ட்ரியா, ஜெய் போன்றோர் நடித்துள்ள இது நம்ம ஆளு திரைப்படத்தின் இறுதி கட்ட பணிகள் தற்போது முடிவடையும் தருவாயில் உள்ளது.

நடிகர் சிலம்பரசனின் தம்பி குறளரசன், இது நம்ம ஆளு திரைப்படத்துக்கு இசையமைத்துள்ளார். இப்படத்தின் வெளியீடு குறித்து நீண்ட காலமாக பல சர்ச்சைகள் மற்றும் தொடர் தாமதங்கள் நிலவி வந்த சூழலில், வரும் ஏப்ரல் 22 அல்லது ஏப்ரல் 29-ஆம் தேதியன்று இப்படம் வெளியாகலாம் என்று கூறப்படுகிறது.

இப்படத்தின் விநியோக உரிமையை எஸ்.பி. சுப்பு மிகப் பெரிய விலைக்கு வாங்கியுள்ளார். சிலம்பரசன் திரைப்படங்களில் விறபனையில் சாதனை படைத்துள்ள திரைப்படம், இது நம்ம ஆளு திரைப்படம் தான் என்று கூறப்படுகிறது.