மம்முட்டி படப்பிடிப்பில் மாணவர்கள் கலாட்டா!

நடிகர் மம்முட்டி படத்தின் படப்பிடிப்பு நடைபெறும் இடத்தில் மாணவர்கள் கலாட்டாவில் ஈடுபட்டுள்ளனர்.

மம்முட்டி தற்போது நடித்து வரும் படம் ‘மாஸ்டர் பீஸ்’. படத்தை அஜய் வாசுதேவ் இயக்குகிறார். இந்தப்படத்தில் மம்முட்டி கல்லூரி பேராசிரியராக நடித்து வருகிறார். இது கல்லூரி சம்பந்தப்பட்ட கதை என்பதால் இந்தப்படத்தின் படப்பிடிப்பு கடந்த ஒரு மாதமாக கோல்கட்டாவில் உள்ள பாத்திமா மாதா கல்லூரியில் நடைபெற்று வருகிறது. இதனால் அந்தப்பகுதிக்கு பிரைவேட் செக்யூரிட்டி மூலம் படக்குழுவினரால் பலத்த பாதுகாப்பு போடப்பட்டு இருந்தது.

இந்தநிலையில் சமீபத்தில் தேர்வெழுதுவதற்காக கல்லூரிக்கு வந்த மாணவர்களிடம் பிரைவேட் செக்யூரிட்டி ஆட்கள் ரொம்பவே கெடுபிடி காட்டி தடுத்தி நிறுத்தியுள்ளார்கள். இதனால் மாணவர்களுக்கும், செக்யூரிட்டி ஆட்களுக்கும் மோதல் ஏற்பட்டு அடிதடி வரை சென்றது. இந்த தகவலை அறிந்து அங்கே வந்த கல்லூரி முதல்வர் மாணவர்களை சமாதானப்படுத்தி தேர்வெழுத அனுப்பி வைத்தாராம். இந்த மோதல் சம்பவத்தால் அப்பகுதியில் அதிகளவில் பரபரப்பு ஏற்பட்டது.