‘அரண்மனை 3’ பட பாடல் செய்த தரமான சம்பவம்: கொண்டாட்டத்தில் ரசிகர்கள்!

தமிழில் பேய்படங்களை குழந்தைகளும் கொண்டாடி பார்க்கும் வண்ணம் மாற்றிய படம் என்றால் சுந்தர் சி யின் 'அரண்மனை' படமே. நகைச்சுவை படங்களுக்கு, பெயர் பெற்றவரான இயக்குநர் சுந்தர் சி. இயக்கத்தில் அரண்மனை முதல் இரண்டு பாகங்களும் பிரமாண்ட வெற்றி பெற்ற நிலையில், தற்போது ஆர்யா நடிப்பில் 'அரண்மனை 3' ரிலிஸுக்கு தயாராகியுள்ளது.

இப்படத்தை இணைய ஓடிடி தளத்தில் வாங்குவதில் போட்டிகள் இருந்தாலும்.. தியேட்டரில் தான் வெளியிட வேண்டும் என்று முடிவெடுத்துள்ளனர் படக்குழுவினர். இந்நிலையில் திரைத்துறையில் படத்தை பார்த்த சில முக்கியஸ்தர்கள் இப்படம் குடும்பத்தோடு திரையங்கில் கொண்டாட்டமாக பார்க்க வேண்டிய படம், இதனை திரைக்கு கோண்டு வாருங்கள் என்று கூறியுள்ளனர். இதனை தொடர்ந்து 'அரண்மனை 3' படத்தை திரையரங்கில் வெளியிடும் வேலைகளை தற்போது செய்து வருகிறார் இயக்குநர் சுந்தர் சி.

இந்தப்படத்தின் பர்ஸ்ட் லுக் ரிலீசுக்கு பிறகு பாடல் ஒன்று வெளியானது . ஆர்யா-ராஷிகண்ணா பங்கு பெற்ற இந்த பாடல் நேற்று இந்தியா டிரட்ண்டிங்கிலும் இடம் பிடித்துள்ளது. இயக்குநர் சுந்தர்.சி இன் இந்த பிரமாண்ட பாடல் காட்சி யூடிப்பில் 1 மில்லியன் பார்வையாளர்களை கடந்து வைரலாகி வருகிறது.

நயன்தாரவை மீண்டும் டார்ச்சர் செய்யப் போகும் வில்லன் நடிகர்!
'அரண்மனை 3' படம் முதல் இரண்டு பாகங்களை விட இரு மடங்கு பட்ஜெட்டில் மிகப்பிரமாண்டமான வகையில் உருவாக்கப்பட்டுள்ளது. முதல் இரண்டு பாகங்களை குழந்தைகள் கொண்டாடிய நிலையில், இப்படமும் குழந்தைகளுக்கு பிடிக்கும் வகையில் மிகச்சிறந்த பொழுதுபோக்கு படமாக உருவாக்கப்பட்டுள்ளது.

ஆர்யா, ராஷிக்கண்ணா, சுந்தர் சி முதன்மை பாத்திரங்களில் நடித்துள்ள இந்தப்படத்தில், விவேக், யோகி பாபு, சாக்‌ஷி அகர்வால், சம்பத், மனோபாலா, வின்சென்ட் அசோகன், மதுசூதன ராவ், வேலராமமூர்த்தி, நளினி, விச்சு விஸ்வநாத், கோலப்பள்ளி லீலா ஆகியோர் முக்கிய கதாபாத்திரங்களில் நடித்துள்ளனர். மிகப்பெரிய நட்சத்திரப் பட்டாளங்களே இப்படத்தில் இடம்பெற்றுள்ளனர்.

முதல் முறையாக இயக்குநர் சுந்தர் சி- யும், இந்தியாவின் முக்கிய சண்டைப்பயிற்சி இயக்குநர் பீட்டர் ஹெய்ன்-ம் இப்படத்தில் இணைந்து பணியாற்றியுள்ளார். இப்படத்தின் க்ளைமாக்ஸ் காட்சி மட்டுமே 1.5 கோடி ரூபாய் செலவில், 300 தொழிலாளர்கள் உருவாக்கிய பிரமாண்ட செட்டில், 200 கலைஞர்கள் பங்கேற்க, 16 நாட்கள் படமாக்கப்பட்டது. படத்தின் அதி முக்கியமான, இந்த க்ளைமாக்ஸ் காட்சியின் CG பணிகள் மட்டுமே, 6 மாதங்கள் நடைபெற்றது. படத்தின் அனைத்து பணிகளும் அண்மையில் முடிவடைந்த நிலையில் தற்போது படத்தின் வெளியீட்டு பணிகள் தீவிரமாக நடைபெற்று வருகிறது.