தனுஷுடன் இணையவுள்ள ‘நான் ஈ’ சுதீப்!

ஸ்ரீ தேனாண்டாள் பிலிம்ஸ் தயாரிக்கும் படத்தில் நடிகர் தனுஷுடன், இணைந்து நடிகர் சுதீப்பும் நடிக்கவுள்ளார்.

நடிகர் தனுஷ் தற்போது ‘மாரி 2’, ‘எனை நோக்கி பாயும் தோட்டா’, ‘வடசென்னை’ உட்பட பல படங்களில் பிஸியாக நடித்து வருகிறார். இதையடுத்து ஸ்ரீ தேனாண்டாள்பிலிம்ஸ் நிறுவனத்துடன் இணைந்து பணியாற்றவுள்ளார். இந்த நிறுவனம் தயாரிக்கும் படத்தை நடிகர் தனுஷ் இயக்கி அதில் ஹீரோவாக நடிக்கவுள்ளார்.

தற்போது இந்த படத்தில் ஒரு முக்கிய கதாபாத்திரத்தில் நடிக்க கன்னட நடிகர் சுதீப் ஒப்பந்தம் செய்யப்பட்டுள்ளார். சமீபத்தில் பெங்களூரு சென்ற தனுஷ் அவரிடம் கதையை கூறி சம்மதம் வாங்கியுள்ளதாக தெரிகிறது. அதிகாரபூர்வ அறிவிப்பு விரைவில் வரும் என எதிர்பார்க்கப்படுகிறது.

நடிகர் சுதீப் இதற்குமுன் தமிழில் ‘நான் ஈ’, ‘புலி’, ‘முடிஞ்சா இவன புடி’ உட்பட பல படங்களின் நடித்ததன் மூலம் ரசிகர்களுக்கு நன்கு பரிச்சயமானராக திகழ்கிறார்.