சுஜா வருணியிடம் வாயை கொடுத்து வாங்கிக் கொண்ட விஜய் ரசிகர்!

சுஜா வர்ணியிடம், விஜய் ரசிகர் ஒருவர், கெட்ட வார்த்தையால் பேசியதால், நடிகை சுஜா வருணி உட்பட பலரும் கண்டனம் தெரிவித்து வருகின்றனர். பிக்பாஸில் இருந்து யாஷிகா வெளியேறியவுடன் பல்வேறு கருத்துக்கள் சமூக வலைத்தளங்களில் பரிமாறப்பட்டன. யாஷிகா இந்த சின்ன வயதில் முதிர்ச்சியான மனநிலையில் இருப்பதாக கமல்ஹாசன் உள்பட பலரும் அவரை பாராட்டினர்.

இந்த நிலையில் யாஷிகாவின் வெளியேற்றம் குறித்த கருத்து கூறிய பிக்பாஸ் 1 சீசனின் போட்டியாளரான சுஜா வருணி, யாஷிகா மன உறுதியானவர் என்றும், அவர் டைட்டில் வின்னராக வர அனைத்து தகுதிகளும் அவரிடம் உள்ளது என்றும் அவரது வெளியேற்றம் தனக்கு மன வருத்தமாக அளிப்பதாக இருந்தது என்று கூறினார்


இதற்கு பதிலளித்த விஜய் ரசிகர் ஒருவர் சென்ட்ராயன் வெளியேறியபோது இதுபோல் ஏன் நீங்கள் பரிதாபப்படவில்லை என்று கூறியதோடு ஒரு கெட்ட வார்த்தையையும் பதிவு செய்தார். இந்த ரசிகருக்கு பதிலடி கொடுத்த சுஜா, அதைவிட மோசமான ஒரு கெட்ட வார்த்தையை பதிவு செய்து ,‘‘உங்களுக்கு மரியாதையான தமிழ் தெரியாதுன்னு நினைக்கின்றேன். உங்களுக்கு புரியும்படி சொல்றேன். என்னோட டுவிட்டர்ல்ல நான் என்ன வேணும்னாலும் போடுவேன், என்று பதிவு செய்தார்.


வாயை கொடுத்து வாங்கி கட்டிக்கொண்ட விஜய் ரசிகருக்கு பல்வேறு தரப்பில் இருந்தும் கண்டனங்கள் குவிந்து வருகிறது.