விஜய் 62 படத்தை தயாரிக்கப் போவது யார்?- லைக்காவை தொடர்ந்து சன் பிக்சர்ஸ் கைவிரிப்பு

விஜய் படத்தை முதலில் தயாரிக்க இருந்த லைக்கா நிறுவனம் பின்வாங்கியதால் அடுத்த இடத்தில் இருந்த சன் பிக்சர்ஸும் தற்போது பின்வாங்கியுள்ளது.

இயக்குனர் அட்லி, நடிகர் விஜய்யை வைத்து ‘தளபதி 61’ என்ற படத்தை இயக்கி வருகிறார். இந்தப் படத்தின் படப்பிடிப்பு விறுவிறுப்புடன் நடந்து வரும் நிலையில் அவருடைய அடுத்த படமான ‘தளபதி 62’ படத்தை ஏ.ஆர்.முருகதாஸ் இயக்குவது கிட்டத்தட்ட உறுதியாகிவிட்டது. ஆனால் இந்த படத்தின் தயாரிப்பு நிறுவனம் குறித்த தகவல்கள் குழப்பத்தை தருகின்றது.

முதலில் இந்த படத்தை ‘கத்தி’ படத்தை தயாரித்த ‘லைகா நிறுவனம்‘ தயாரிக்க ஒப்புக்கொண்டது. ஆனால் ‘பைரவா’ படத்தின் தோல்வி நினைத்து விஜய் & -முருகதாஸ் இணைந்தால் பட்ஜெட் அதிகமாகும் என்றும், அந்த பட்ஜெட்டுக்கு ஏற்ற வருமானம் வர வாய்ப்பில்லை என்றும் முடிவு செய்த இந்நிறுவனம் பின்வாங்கிவிட்டதாக தெரிகிறது.

இந்த நிலையில் சன் பிக்சர்ஸ் நிறுவனம் இந்த படத்தை தயாரிக்க வாய்ப்பு இருப்பதாக செய்திகள் வெளிவந்த போதிலும் இதுகுறித்து முறையான அறிவிப்பு இன்னும் வெளிவரவில்லை. விஜய் மாஸ் நடிகர் என்பதில் சந்தேகம் இல்லை என்றாலும் விஜய், முருகதாஸ் ஆகிய இருவருக்கும் மிகப்பெரிய சம்பளத்தொகை கொடுக்க வேண்டியிருக்கும். மேலும் போட்ட பணம் மட்டுமே திரும்பக் கிடைக்கும் வாய்ப்பு இருப்பதாகவும், அதனால் சன் நிறுவனமும் தயங்கி வருவதாகவும் கூறப்படுகிறது.

Kollywood: Sun Pictures too declines to produce Vijay’s 62nd film followed by Lyca productions.