விஜய் சேதுபதி படத்தை கைப்பற்றிய சன் டிவி!

விஜய் சேதுபதி நடிப்பில் உருவாகி வரும் ‘ஒரு நல்ல நாள் பாத்து சொல்றேன்’ படத்தின் சாட்டிலைட் உரிமையை சன் டிவி கைப்பற்றியுள்ளது.

ஆறுமுக குமார் இயக்கத்தில் விஜய் சேதுபதி, கௌதம் கார்த்திக் நடிப்பில் உருவாகியுள்ள படம் ‘ஒரு நல்ல நாள் பாத்து சொல்றேன்’. இந்தப் படத்தில் நடிகைகள் நிகாரிகா கோனிடேலா, காயத்ரி ஆகியோர் ஹீரோயினாக நடித்து வருகின்றனர். இந்தப் படத்தில், ரமேஷ் திலக், விஜி சந்திரசேகர் இருவரும் முக்கிய கேரக்டர்களில் நடித்துள்ளனர்.

நடிகர் விஜய் சேதுபதி, எமன் உள்ளிட்ட 8 கேரக்டர்களில் நடித்துள்ளார். இந்தப் படத்துக்கு, ஜஸ்டின் பிரபாகரன் இசையமைத்துள்ளார். இந்தப் படத்தின் இசை வெளியீட்டு விழா, வருகிற 6ஆம் தேதி மலேசியாவில் நடைபெற உள்ள நட்சத்திரக் கலைவிழாவில் நிகழ இருக்கிறது. இந்நிலையில், இந்தப் படத்தின் சாட்டிலைட் உரிமையை சன் டிவி வாங்கியுள்ளது.