கலையரசனுக்கு ஜோடியாகும் ரஜினி மகள்!

நடிகை தன்ஷிகா ‘உரு’ படத்தில் கலையரசனுக்கு ஜோடியாக நடிக்கிறார்.

நடிகை தன்ஷிகா ‘கபாலி’ படத்தில் ரஜினியின் மகளாக நடித்தார். அதேபடத்தில் முக்கிய வேடத்தில் கலையரசன் நடித்திருந்தார். இவர்கள் இருவரும் இணைந்து நடிக்கும் புதிய படம் ‘உரு’. சைக்கோ திரில்லர் படமாக உருவாகும் இதன் படப் பிடிப்பு முழுவதும் காட்டு பகுதிகளில் நடக்கிறது.

இந்தப் படத்தின் இயக்குனர் விக்கி ஆனந்த் கூறுகையில், ’‘புதிய யுக்திகளை கையாண்டு எழுதத் தெரியாத எழுத்தாளர் என ஒதுக்கி வைக்கப்படுகிறார் ஒருவர். மனம் உடைந்த அவர் மீண்டும் தனது புத்திசாலித்தனத்தை நிரூபிக்க எண்ணுகிறார். அதற்கேற்ப சில சம்பவங்களை தொகுத்து எழுத காட்டுப்பகுதிக்கு செல்கிறார். அங்கு நடக்கும் சில அசாதாரண சம்பவங்கள் அவரை மீண்டும் யோசிக்கத் தூண்டுகிறது. அதன்பிறகு நடப்பது என்ன என்பதே கதை.

இப்படத்தில் இடம்பெறும் கதாபாத்திரம் எனது சொந்த வாழ்வில் நான் பார்த்ததின் விளைவாக உருவானது. எழுத்தாளராக கலையரசன் நடிக்க அவரது மனைவியாக துணிச்சலான கதாபாத்திரத்தில் நடிக்கிறார் தன்ஷிகா’ என்றார்.