இன்று மாலை ரஜினியின் 165 படத்தின் டைட்டில் ரிலீஸ்!

கார்த்திக் சுப்புராஜ் இயக்கத்தில் நடித்து வரும் நடிகர் ரஜினிகாந்த்தின் டைட்டில் மற்றும் மோஷன் போஸ்டர் இன்று மாலை 6 மணிக்கு வெளியிடப்படும் என்று சன் பிக்சர்ஸ் நிறுவனம் தெரிவித்துள்ளது.

காலா படத்தைத் தொடர்ந்து ரஜினிகாந்த் கார்த்திக் சுப்புராஜ் இயக்கத்தில் புதிய படத்தில் விறுவிறுப்பாக நடித்து வருகிறார். இப்படத்தின் முதல்கட்ட படப்பிடிப்பு டார்ஜிலிங் மற்றும் டேராடூனில் நடந்து முடிந்துள்ளது. தொடர்ந்து முக்கிய காட்சிகள் சென்னை பின்னி மில்லில் படமாக்கப்பட்டது. இதில், ரஜினிகாந்த் மற்றும் விஜய் சேதுபதியின் சண்டைக் காட்சிகள் படமாக்கப்பட்டது.



இந்த நிலையில், இப்படத்தின் அடுத்தகட்ட படப்பிடிப்பு லடாக் மற்றும் ஐரோப்பிய நாடுகளில் படமாக்கப்படயிருக்கிறது. இதற்கான பணிகள் தீவிரமாக நடந்து வருகிறது. சன் பிக்சர்ஸ் நிறுவனம் தயாரிக்கும் இந்தப் படத்திற்கு அனிருத் இசையமைத்து வருகிறார். இந்தப் படம் அடுத்த ஆண்டு திரைக்கு வரவுள்ளது. இப்படத்தில் பாபி சிம்ஹா, சிம்ர, த்ரிஷா, நவாசுதீன் சித்திக், மேகா ஆகாஷ், முனிஷ் காந்த், சனத் ரெட்டி, தீபக் பரமேஷ் ஆகியோர் பலர் நடித்து வருவதாக கூறப்படுகிறது.

இந்நிலையில், இன்று மாலை ரஜினியின் டைட்டில் மற்றும் மோஷன் போஸ்டர் வெளியிடப்படும் என்று சன் பிக்சர்ஸ் நிறுவனத்தின் டுவிட்டர் பக்கத்தில் தெரிவிக்கப்பட்டுள்ளது. அதில், சன்பிக்சர்ஸ் தயாரிப்பில் ரஜினி நடித்து வரும் புதிய திரைப்படத்தின் டைட்டில் மற்றும் மோஷன் போஸ்டர் இன்று மாலை சரியாக 6 மணிக்கு வெளியிடப்படும் என்று தெரிவிக்கப்பட்டுள்ளது.