Rajinikanth: ரஜினி, சிரஞ்சீவி, அமிதாப்பச்சன் இணையும் படம்!

தெலுங்கில் சுதந்திர இந்தியாவுக்கு போராடிய, வரலாற்றில் மறக்கப்பட்ட வீரனை மையமாக வைத்து உருவாகியுள்ள படம் சைரா நரசிம்மா ரெட்டி. பாகுபலியின் அதிரடி வெற்றிக்குப் பிறகு வரலாற்று படங்கள் மீது அனைவரது பார்வையும் திரும்பியுள்ளது.

அந்த வகையில் நடிகர் சிரஞ்சீவி பல வருடங்களுக்குப் பிறகு திரைக்கு திரும்பும் திரைப்படத்தை வரலாற்று பின்னணியில் எடுக்க ஆசைப்பட்டார். அதன்படி உருவான படம் தான் “சைரா நரசிம்ம ரெட்டி”. இப்படம் தமிழ், தெலுங்கு, கன்னடம், ஹிந்தி மற்றும் மலையாளம் ஆகிய மொழிகளில்உருவாக்கப்பட்டுள்ளது.

பெரும் பொருட்செலவில் இதுவரை தெலுங்கு திரையுலகம் கண்டிராத பிரம்மாண்டத்தில் இப்படம் உருவாக்கப்பட்டுள்ளது. இப்படத்தில், மெகாஸ்டார் சிரஞ்சீவி, அமிதாப் பச்சன், விஜய் சேதுபதி, ஜகபதி பாபு, நயன்தாரா, கிச்சா சுதீப், தமன்னா, நிஹாரிகா ஆகியோர்பலர் நடித்துள்ளனர்.

இதையும் படிங்க: பிரியங்கா சோப்ராவை ஐநா நல்லெண்ண தூதர் பதவியிலிருந்து நீக்க வேண்டும்: பாகிஸ்தான் புகார்!

சுரேந்தர் ரெட்டி இயக்கியுள்ள இப்படத்தை சிரஞ்சீவியின் மகன் ராம் சரண் தேஜா தயாரித்துள்ளார் என்பது குறிப்பிடத்தக்கது. அண்மையில், வெளியாகிய இப்படத்தின் டீசர் சமூக வலதளங்களில் வைரலானது. சைரா நரசிம்மா ரெட்டி வரலாற்று பக்கத்தில் மறக்கபப்ட்டது ஏன் எனும் கேள்வி எழுப்பும் டீசர் வெகு அட்டகாசமாக உருவாக்கப்பட்டிருந்தது.

மேலும் படிக்க: அனைத்து உயிர்களிடத்தும் அன்பு காட்ட வேண்டும்: பக்ரீத் திரை விமர்சனம்!

படத்தின் வரலாற்று பின்னணியும், பிரமாண்டமும்,சிரஞ்சீவி தோற்றமும், ரசிகரகளை கவர்ந்தது. இத்திரைப்படம் இறுதிக்கட்ட பணிகளில் உள்ளது. கூடிய விரைவில் ரிலீசாகவுள்ள இப்படத்தில் தமிழக சூப்பர் ஸ்டார் ரஜினி இணைய உள்ளார். இப்படம் துவங்கும் பொழுது “சைரா நரசிம்மா ரெட்டி பற்றிய சிறிய விளக்கம் வாய்ஸ் ஓவரில் சொல்லப்படும்.

அதற்கு தமிழ்ப் பதிப்பில் குரல் தர சிரஞ்சீவி ரஜினியை கேட்டுள்ளார். இதற்கு ரஜினியும் சம்மதித்துள்ளாராம்.
இதற்கு முன் ராணுவ வீரன், மாப்பிள்ளை படங்களில் ரஜினியும் , சிரஞ்சீவியும் இணைந்துள்ளார்கள். அதன் பிறகு இத்தனை வருடங்களில் இதுவே முதல் முறை.

Also Read This: சினிமாவில் அறிமுகப்படுத்தியவரின் மரணத்திற்கு செல்லாத விக்ரம்!

மேலும் இப்படத்தில் பாலிவுட் சூப்பர் ஸ்டார் அமிதாப் பச்சன் ஒரு கதாப்பாத்திரத்தில் நடித்துள்ளார். எனவே மூன்று மொழி சூப்பர் ஸ்டார்கள் இணையும் முதல் படமாக இது உள்ளது. சைரா நரசிம்மா ரெட்டி படத்தில் சூப்பர்ஸ்டார் ரஜினியின் குரலை கேட்க ரசிகர்கள் பலரும் ஆர்வமாக உள்ளனர் என்பது குறிப்பிடத்தக்கது.