காலா படத்திற்கு தடை விதிக்க முடியாது: உச்சநீதிமன்றம்

நடிகர் ரஜினி நடித்துள்ள காலா படத்திற்கு தடைவிதிக்க முடியாது என்று உச்ச நீதிமன்றம் தீர்ப்பளித்துள்ளது.

நடிகர் ரஜினி நடித்து, இயக்குநர் ரஞ்சித் இயக்கத்தில் உருவாகியுள்ள காலா திரைப்படம் நாளை வெளியாக உள்ளது. சமூக பிரச்சனைகளுக்கு எப்போதும் குரல் கொடுப்பவர் இயக்குநர் ரஞ்சித். நீலம் என்ற திரைப்பட தயாரிப்பு நிறுவனத்தை உருவாக்கி தரமான படைப்புகளை வெளியிட்டு வருகிறார். இவர் எடுத்த முதல் திரைப்படம் மெட்ராஸ். வடசென்னை மக்களை திருடர்களாகவும், கொலைகாரர்களாவும் காட்சிபடுத்தப்பட்டதமிழ் சினிமாவில், வடசென்னையின் உண்மையான வாழ்வியல் சூழலை படமாக்கியவர் ரஞ்சித்.

இவரின் அடுத்த படம் கபாலி, அதிலும் ஒடுக்கப்படவர்களின் அரசியலை ஆழமாக படமாக்கியுள்ளார். இந்நிலையில் இவரது நான்காவது படமாக காலா வெளியாக உள்ளது. காலா படம் வெளியாவதற்கு முன்பே அதற்கு கடும் எதிர்ப்பு கிளம்பியுள்ளது. கர்நாடகாவில் உள்ள கன்னட அமைப்புகள் படத்திற்குதடை விதிக்க வேண்டும் என்று போரட்டம் நடத்தினர். படத்தின் தயாரிப்பாளர் தனுஷ் கார்நாடக உயர்நீதிமன்றத்தில் படம் வெளியாக வேண்டும் என்று வழக்கு தொடர்ந்தார். வழக்கை விசாரித்த நீதிபதிகள், காலா திரைப்படத்தைவெளியிடும் திரையரங்கத்திற்கு பாதுகாப்பு கொடுக்க வேண்டும் என்று தீர்ப்பளித்தனர்.

கர்நாடகாவில் ஒருவழியாக காலா வெளியாவது உறுதி ஆனாலும் தமிழகத்தில் மீண்டும் சிக்கல் ஏற்பட்டது. ராஜசேகரன் என்ற இயக்குநர் 1994-யில் கரிகாலன் என்ற பெயரில் காலா படத்தின் கதையை தான்பதிவு செய்துள்ளதாக கடந்த வருடம்வழக்கு தொடர்ந்தார். இதை அவசர வழக்காக விசாரிக்க வேண்டும் என்று நேற்று மனுதாரர் கேட்டுகொண்டதன் படி இன்று அந்த வழக்கு விசாரணைக்கு வந்தது.

இந்த வழக்கை விசாரித்த நீதிபதிகள் மனுதாரர்ராஜசேகரன் தொடங்கப்பட வழக்கில் முகாந்திரம் இல்லாததால் தள்ளுபடி செய்து உத்தரவிட்டுள்ளனர். இதனால் காலா திரைப்படம் வெளியாவதில் உள்ள எல்லா சிக்கலும் தீர்க்கப்பட்டுள்ளது.