விஜய் - ஏ.ஆர். முருகதாஸ் கூட்டணி இணைவது உறுதி!

அக்ஷய் குமார் படத்திற்குப் பிறகு விஜய் - ஏ.ஆர்.முருகதாஸ் கூட்டணி இணைவது உறுதி என கூறப்பட்டுள்ளது.

‘மெர்சல்’ படத்தை தொடர்ந்து ஏ.ஆர்.முருகதாஸ் இயக்கத்தில் விஜய் நடிக்கவுள்ளாக செய்தி வெளியானது.. ஏ.ஆர். முருகதாஸும் ‘அகிரா’, ‘ஸ்பைடர்’ தோல்வியால் அடுத்தப்படம் ஹிட் கொடுத்தே ஆகவேண்டும் என்ற முடிவில் இருந்து வருகிறார்.

இந்நிலையில் சமீபத்தில் அதிகாரப்பூர்வமாக ஒரு தகவல் வந்துள்ளது, முருகதாஸ் அடுத்து அக்ஷய்குமார் நடிக்கும் ஒரு படத்தை இயக்கவுள்ளாராம். இப்படம் ‘மில்லியன் டாலர் பேபி’ ஹாலிவுட் படத்தின் அதிகாரப்பூர்வ ரீமேக் என கூறப்பட்டுள்ளது. இந்தப் படத்தை ஹாலிவுட் இயக்குநர் க்ளின்ட் ஈஸ்ட்வுட் இயக்கியுள்ளார். 2004 ஆம் ஆண்டு வெளியான இந்த படத்தை அதிகாரப்பூர்வமாக ரீமேக் செய்யவிருக்கிறார் இயக்குநர் ஏ.ஆர்.முருகதாஸ். இந்த படம் 30 மில்லியன் டாலர் பட்ஜெட்டில் தயாரிக்கப்பட்டது. ஆனால், 216.8 மில்லியன் டாலர்களை வசூலித்தது.

இப்படம் பாக்ஸிங்கை மையமாக கொண்டது. இப்ப்டத்தில் அக்ஷய்குமார், ஹிந்தி பிக்பாஸ் புகழ் மரினா குவார் ஆகியோர் நடிக்கவுள்ளனர், இப்படத்தை லைகா நிறுவனம் தயாரிக்கும் என எதிர்ப்பார்க்கப் படுகின்றது.

இந்தப் படத்திற்குப் பின் விஜய்யும், ஏ.ஆர். முருகதாஸும் இணையவுள்ளனர்.