மாநாடு ரீமேக் உரிமை எத்தனை கோடிக்கு போச்சு தெரியுமா?

வெங்கட் பிரபு இயக்கத்தில் சிம்பு, எஸ்.ஜே. சூர்யா, கல்யாணி ப்ரியதர்ஷன், எஸ்.ஏ. சந்திரசேகர் உள்ளிட்டோர் நடித்த மாநாடு படம் நவம்பர் 25ம் தேதி தியேட்டர்களில் ரிலீஸாகி மாபெரும் வெற்றி பெற்றது. மாநாடு ரூ. 100 கோடி வசூல் செய்தது. இந்நிலையில் மாநாடு படத்தின் ரீமேக் உரிமையை சுரேஷ் பாபு வாங்கியிருக்கிறார்.

மாநாடு படத்தின் ரீமேக் உரிமையை ரூ. 12 கோடிக்கு வாங்கியிருக்கிறார் சுரேஷ் பாபு என தகவல் வெளியாகியுள்ளது. அந்த படத்தை பல மொழிகளில் ரீமேக் செய்யவிருக்கிறார்கள். பாலிவுட்டில் இருக்கும் பெரிய ஸ்டுடியோ ஒன்றுடன் சேர்ந்து இந்தியில் ரீமேக் செய்யவிருக்கிறார் சுரேஷ் பாபு. இளம் நடிகர் ஒருவரை ஹீரோவாக்க திட்டமிட்டுள்ளார்களாம்.

மாநாடு தெலுங்கு ரீமேக்கில் பிரபல நடிகர் நடிப்பாராம். ஸ்க்ரிப்ட்டை தெலுங்கு ரசிகர்களுக்கு ஏற்ப மாற்றும் வேலை நடந்து கொண்டிருக்கிறதாம். அந்த வேலை முடிந்ததும், திறமையான இயக்குநரை வைத்து பட வேலையை துவங்கிவிடுவார்களாம். டைம் லூப் கான்செப்ட் அனைத்து மொழி ரசிகர்களுக்கும் பிடிக்கும் என்று நம்புகிறார்களாம்.

மாநாடு படம் சிம்புவுக்கு கம்பேக் படமாக அமைந்துவிட்டது. படம் பார்த்த அனைவரும் சிம்புவின் நடிப்பை பாராட்டினார்கள். மேலும் வில்லன் தனுஷ்கோடியாக நடித்த எஸ்.ஜே. சூர்யாவும் ஸ்கோர் செய்தார். மாநாடு படம் ஓடிடி தளத்திலும் வெளியாகிவிட்டது. தியேட்டரில் பார்க்க முடியாதவர்கள், ஓடிடியில் பார்த்து மகிழ்ந்தார்கள்.