ஒரே ட்வீட்டால் தலைவர், தளபதி, தல ரசிகர்களை கவர்ந்த சுரேஷ் ரெய்னா!

இயக்குனர் ஜான் பால்ராஜ் மற்றும் ஷாம் சூர்யா எழுதி இயக்கும் புதிய படமான 'பிரண்ட்ஷிப்' மூலம் தமிழ் சினிமாவில் கதாநாயகனாக அறிமுகமாகிறார் ஹர்பஜன்சிங். பிக்பாஸ் நிகழ்ச்சி மூலம் பிரபலம் அடைந்த லாஸ்லியாவும் இந்தப்படத்தில் நடிக்கிறார். இந்நிலையில் இந்தப்படம் குறித்து கிரிக்கெட் வீரர் சுரேஷ் ரெய்னா பகிர்ந்துள்ள ட்வீட் வைரலாகி வருகிறது.

'பிரண்ட்ஷிப்' படத்தில் அர்ஜுன், சதீஷ், லாஸ்லியா உள்ளிட்ட பலர் ஹர்பஜன் சிங்குடன் இணைந்து நடித்துள்ளனர். இந்தப் படத்தின் அனைத்து பணிகளும் முடிவடைந்து வெளியீட்டுக்காகக் காத்திருந்தது. இந்நிலையில் தற்போது திரையரங்குகள் திறக்கப்பட்டுள்ளதால் வருகின்ற நாளை 'பிரண்ட்ஷிப்' படம் வெளியாகிறது.

இந்நிலையில் இந்திய கிரிக்கெட் வீரர் சுரேஷ் ரெய்னா தனது ட்விட்டர் பக்கத்தில் படக்குழுவினருக்கு வாழ்த்து தெரிவித்து பதிவிட்டுள்ளார். அதில், 'பஜ்ஜி பா... என் அண்ணாத்த! 'பிரண்ட்ஷிப்' ட்ரெய்லர், டீஸர் எல்லாம் வலிமையா இருக்கு. படம் கண்டிப்பா பீஸ்டா இருக்கப்போகுது. 'பிரண்ட்ஷிப்' படக்குழுவுக்கு மனமார்ந்த வாழ்த்துகள். மக்களே நீங்க எல்லாரும் நாளைக்கு தியேட்டர்ல படம் பார்த்து என்ஜாய் பண்ணுங்க'' என பதிவிட்டுள்ளார்.
முதல்வரிடமிருந்து வந்த தொலைப்பேசி அழைப்பு: மகிழ்ச்சியில் திக்குமுக்காடிய பொன்வண்ணன்!
ரஜினி, விஜய், அஜித் படங்களின் டைட்டிலை வைத்து 'பிரண்ட்ஷிப்' படக்குழுவினரை சுரேஷ் ரெய்னா பாராட்டி பகிர்ந்துள்ள ட்வீட் தற்போது வைரலாகி வருகிறது. முன்னதாக 'பிரண்ட்ஷிப்' படத்தின் முதல் 10 நிமிட ஸ்னீக் பீக் வீடியோவை இயக்குநர்கள் வெற்றிமாறன், பாண்டிராஜ் மற்றும் நடிகர் விஜய் சேதுபதி ஆகியோர் வெளியிட்டனர். இவர்களுக்கு நன்றி தெரிவிக்கும் விதமாக ஹர்பஜன் தமிழில் ட்வீட் செய்தது வைரலானது குறிப்பிடத்தக்கது.