Suriya 2 லட்டுனா சும்மாவா?: சந்தோஷத்தில் சூர்யா ரசிகர்கள்

சுதா கொங்கரா இயக்கத்தில் சூர்யா நடித்துள்ள சூரரைப் போற்று படம் அக்டோபர் 30ம் தேதி ரிலீஸாகும் என்று அறிவிக்கப்பட்டது. ஆனால் சில சான்றுகள் வாங்குவதில் தாமதமானதால் படத்தின் ரிலீஸ் தள்ளிப் போயுள்ளது. சூரரைப் போற்று ரிலீஸ் தள்ளிப் போனாலும் அதன் ட்ரெய்லர் ரிலீஸை நினைத்து ரசிகர்கள் குஷியாக இருக்கிறார்கள்.

Suriya நாளை வெளியாகும் சூரரைப் போற்று ட்ரெய்லர்: நவம்பர் 12ம் தேதி படம் ரிலீஸ்?

இந்நிலையில் பாண்டிராஜ் இயக்கத்தில் சூர்யா நடிக்கவிருக்கும் படத்தின் அதிகாரப்பூர்வ அறிவிப்பை சன் பிக்சர்ஸ் வெளியிட்டுள்ளது. அந்த படத்தில் சூர்யா அரசியல்வாதியாக நடிப்பார் என்று அண்மையில் தகவல் வெளியானது. சூர்யா முன்னதாக செல்வராகவனின் என்.ஜி.கே. படத்தில் அசியல்வாதியாக நடித்திருந்தார் என்பது குறிப்பிடத்தக்கது.

பாண்டிராஜ்-சூர்யா கூட்டணியில் உருவாகும் இரண்டாவது படம் சூர்யா 40. முன்னதாக சூர்யா, பாண்டிராஜ் இயக்கத்தில் பசங்க 2 படத்தில் நடித்திருந்தார். மேலும் பாண்டிராஜ் இயக்கத்தில் கார்த்தி நடித்த கடைக்குட்டி சிங்கம் படத்தை சூர்யா தனது 2டி என்டர்டெயின்மென்ட் நிறுவனம் மூலம் தயாரித்தார்.

சூர்யா வெற்றிமாறனின் வாடிவாசல் படத்தில் நடிக்க தயாராகி வருகிறார். அதற்காக தான் அவர் முடியை நீளமாக வளர்த்திருப்பதாக கூறப்படுகிறது. வாடிவாசல் படத்தில் நடித்து முடித்த பிறகு பாண்டிராஜ் படத்தில் சூர்யா நடிப்பார் என்று கூறப்படுகிறது.

வாடிவாசல் படத்தின் ஃபர்ஸ்ட்லுக் போஸ்டர் கடந்த ஜூலை மாதம் வெளியானது. படம் குறித்து வெற்றிமாறன் இதுவரை எந்த அப்டேட்டும் கொடுக்கவில்லை. இந்நிலையில் வாடிவாசல் படத்தில் அப்பா, மகன் என்று இரண்டு கதாபாத்திரங்களில் சூர்யா நடிப்பதாக தகவல் வெளியாகியுள்ளது.

முன்னதாக சூர்யா, ஹரி இயக்கத்தில் அருவா படத்தில் நடிக்கவிருப்பதாக அறிவிக்கப்பட்டது. ஆனால் அதன் பிறகு அந்த படம் குறித்து எந்த தகவலும் இல்லை. அருவா படத்தில் இருந்து சூர்யா விலகிவிட்டார், அவருக்கு பதிலாக அருண் விஜய் நடிக்கக்கூடும் என்று பேசப்பட்டது. ஆனால் இதுவரை அருவா பற்றிய எந்த அப்டேட்டும் வெளியாகவில்லை.

பண்டிகை நேரத்தில் தொடர்ந்து அப்டேட் வெளியாகி வருவதால் சூர்யா ரசிகர்கள் சந்தோஷத்தில் இருக்கிறார்கள்.