பாலாவுடன் வாக்குவாதம்.. படப்பிடிப்பை விட்டு கிளம்பிய சூர்யா: தீயாய் பரவும் தகவல்.!

'சூரரைப் போற்று' படத்தின் மாபெரும் வெற்றியை தொடர்ந்து இயக்குனர் பாண்டிராஜ் இயக்கத்தில் சூர்யா நடித்த 'எதற்கும் துணிந்தவன்' படம் வெளியானது. அண்மையில் ஓடிடியில் வெளியான சூர்யாவின் 'ஜெய் பீம்' படமும் ரசிகர்களிடம் அமோக வரவேற்பை பெற்றது. இதனை தொடர்ந்து வெற்றிமாறன் இயக்கத்தில் உருவாகும் 'வாடிவாசல்' படத்திற்கான டெஸ்ட் ஷுட்டிங்கில் கலந்து கொண்டார் சூர்யா.

இதனிடையில் பாலா இயக்கத்தில் சூர்யா நடிக்கும் படத்திற்கான படப்பிடிப்பு பூஜையுடன் அண்மையில் துவங்கியது. 2டி என்டர்டைன்மென்ட் நிறுவனம் தயாரிக்கும் இந்த படத்திற்கு ஜி.வி.பிரகாஷ் இசையமைக்கிறார். கீர்த்தி ஷெட்டி நாயகியாக நடிக்கிறார். 'சூர்யா 41' என பெயரிடப்பட்டுள்ள இந்தப்படத்தின் அதிகாரப்பூர்வ அறிவிப்பு அண்மையில் வெளியானது.

இதன் படப்பிடிப்பு கன்னியாகுமரியில் நடந்து வந்தது. இந்தப்படத்தில் சூர்யா மீனவராக நடிப்பதாக கூறப்படுகிறது. கன்னியாகுமரியை அடுத்து மதுரையில் படப்பிடிப்பு நடக்கவிருக்கிறது. இது 40 நாட்கள் ஷெட்யூல். அதனை தொடர்ந்து படக்குழுவினர் கோவாவிற்கு செல்ல உள்ளதாகவும் தகவல்கள் வெளியாகியுள்ளன.

இந்தி பேசுபவர்கள் நல்லவர்கள்.. சுஹாசினியின் புது உருட்டு: வச்சு செய்யும் நெட்டிசன்கள்.!
இந்நிலையில் சூர்யா அவசரமாக ஷுட்டிங்கில் இருந்து பாலாவுடன் வாக்குவாதத்தில் ஈடுபட்டு வெளியேறி விட்டதாக இணையத்தில் தீயாய் தகவல்கள் பரவி வருகிறது. அண்மையில் பாலா படப்பிடிப்பில் இருந்து 'சூரரைப் போற்று' படத்தின் இந்தி ரீமேக் பணிகளுக்காக மும்பை கிளம்பி சென்றார் சூர்யா. இதையெல்லாம் வைத்து சூர்யா பாலாவுடன் வாக்குவாதத்தில் ஈடுபட்டு படப்பிடிப்பில் இருந்து கிளம்பிவிட்டதாக வதந்திகள் பரவியுள்ளது.

இதனிடையில் 'சூர்யா 41' படத்தின் முதற்கட்ட படப்பிடிப்பு வெற்றிகரமாக நிறைவடைந்துவிட்டதாக படக்குழுவினர் அதிகாரப்பூர்வமாக அறிவித்துள்ளனர். இதனை தொடர்ந்து அடுத்தக்கட்ட படப்பிடிப்பு கோவாவில் 15 நாட்கள் நடைபெற உள்ளதாகவும் தெரிவித்துள்ளனர். இதன் மூலமாக சூர்யா, பாலா இடையில் மோதல் ஏற்பட்டதாக வெளியான வதந்திகளுக்கு முற்றுப்புள்ளி வைக்கப்பட்டுள்ளது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்