மாஸ்டர் பீஸ், வெறித்தனம், பிளாக்பஸ்டர்: சூரரைப் போற்று ட்விட்டர் விமர்சனம்

சுதா கொங்கரா இயக்கத்தில் சூர்யா, அபர்ணா பாலமுரளி, ஊர்வசி உள்ளிட்டோர் நடித்துள்ள சூரரைப் போற்று படம் அமேசான் பிரைமில் வெளியாகியுள்ளது. படம் பார்த்த அனைவரும் சூர்யாவின் அபார நடிப்பை பற்றி தான் பேசிக் கொண்டிருக்கிறார்கள்.

சூரரைப் போற்று விமர்சனம்

படம் பார்த்தவர்கள் சூரரைப் போற்று குறித்து ட்விட்டரில் கருத்து தெரிவித்து வருகிறார்கள். இதனால் #SooraraiPottru என்கிற ஹேஷ்டேக் ட்விட்டரில் தேசிய அளவில் டிரெண்டாகி வருகிறது. படம் பார்த்தவர்கள் ட்விட்டரில் கூறியிருப்பதாவது,

சூர்யாவின் நடிப்பு அருமை. விமான நிலையத்தில் சூர்யா பிச்சை எடுத்ததை பார்த்து அழுகை வந்துவிட்டது. சூர்யாவின் நடிப்பை பார்க்கும் போது புல்லரிக்கிறது. சூரரைப் போற்று கண்டிப்பாக பெரிய பிளாக்பஸ்டர் தான். குடும்பத்துடன் சேர்ந்து இரண்டாவது முறையாக படம் பார்த்துக் கொண்டிருக்கிறோம். அனைவரும் கண்டிப்பாக பார்க்க வேண்டிய படம்.
முந்தைய படங்களின் சாயலே இல்லாமல் வித்தியாசமாக நடித்திருக்கிறார் சூர்யா. இந்த படத்தை எல்லாம் தியேட்டரில் ரிலீஸ் செய்திருந்தால் வேற லெவலில் இருந்திருக்கும். தீபாவளிக்கு இதை விட சிறந்த ட்ரீட் இருக்க முடியாது. ஜி.வி. பிரகாஷின் இசை படத்திற்கு பெரிய பலம். சூர்யாவின் கெரியரில் சிறந்த படங்களில் இதுவும் ஒன்று. சூர்யாவின் முழு திறமையை திரையில் கொண்டு வந்திருக்கிறார் சுதா கொங்கரா.
இந்த சூர்யாவை தான் சில ஆண்டுகளாக மிஸ் செய்தோம். நன்றி சுதா கொங்கரா. சூரரைப் போற்று ஒரு மாஸ்டர் பீஸ், வெறித்தனம்.
படத்தை சூர்யா தன் தோளில் தாங்குகிறார். சுதா கொங்கரா இயக்கத்தில் சூர்யா மீண்டும் நடிக்க வேண்டும். 2020ம் ஆண்டின் சிறந்த படங்களில் ஒன்று சூரரைப் போற்று என்று தெரிவித்துள்ளனர்.