அடுத்த படத்திற்காக 10 கிலோ எடையை குறைக்கும் நடிகர் சூர்யா!

சூர்யா அடுத்து நடிக்கவிருக்கும் தானா சேர்ந்த கூட்டம் படத்திற்காக 10 கிலோ எடையை குறைக்கவுள்ளார்.

விக்னேஷ் சிவன் இயக்கத்தில் சூர்யா, கீர்த்தி சுரேஷ் நடிக்கும் படம் தானா சேர்ந்த கூட்டம். இந்தப்படத்தின் படப்பிடிப்பு இம்மாதம் 19ம் தேதி சென்னையில் தொடங்குகிறது. இந்தப்படத்திற்காக சூர்யா தனது உடல் எடையை 10 கிலோ குறைக்கிறார். அதனால் பொது நிகழ்ச்சிகளில் பங்குபெறுவதை தவிர்ப்பதாக கூறப்படுகிறது. மேலும் தலை முடியும் பிரத்யேகமாக வைத்திருப்பதால் தொப்பி அணிந்தே காணப்படுகிறார்.

சிங்கம் 3 படத்திற்காக சூர்யா உடல் எடையை அதிகரித்திருந்தார். ஆனால் தானா சேர்ந்த கூட்டம் படத்திற்கு உடல் எடையை குறைக்க வேண்டும் என்பதால் ஜிம்மிற்கு செல்லாமல் வீட்டிலேயே உடற்பயிற்சி செய்து உடல் எடையை குறைத்து வருகிறார். சூர்யாவின் தோற்றம் வெளியே தெரியக்கூடாது என்பதால் மிகவும் ரகசியம் காப்பதாக கூறப்படுகிறது.