வாடிவாசலுக்காக ரெடியாகும் சூர்யா - வெற்றிமாறன்: சீக்கிரமே குட் நியூஸ் இருக்கு..!

சூர்யா, வெற்றிமாறன் இருவரும் இணையும் காம்போவிற்காக வெறித்தனமாக காத்து கொண்டிருக்கின்றனர் ரசிகர்கள். அண்மையில் சூர்யா நடிப்பில் வெளியான அனைத்து படங்களும் ரசிகர்கள் மத்தியில் அமோக வரவேற்பை பெற்று வருகிறது. இதனிடையில் கடந்த சில வருடங்களுக்கு முன்பாகவே அறிவிக்கப்பட்ட சூர்யாவின் 'வாடிவாசல்' படத்தின் அப்டேட்டிற்காக ஏங்கி கொண்டிருக்கின்றனர் ரசிகர்கள்.

'சூரரைப் போற்று' படத்தின் வெற்றிக்கு பிறகு டைரக்டர் பாண்டிராஜ் இயக்கத்தில் 'எதற்கும் துணிந்தவன்' படத்தில் நடித்தார் சூர்யா. சன்பிக்சர்ஸ் நிறுவனம் தயாரித்துள்ள இந்தப்படத்தில் சூர்யாவுக்கு ஜோடியாக பிரியங்கா அருள் மோகன் நடித்துள்ளார். சூர்யாவின் கடைசி இரு படங்கள் ஓடிடியில் வெளியான நிலையில் 'எதற்கும் துணிந்தவன்' திரையரங்குகளில் வெளியாகி ரசிகர்கள் மத்தியில் அமோக வரவேற்பினை பெற்று வருகிறது.

'அசுரன்' படத்தின் வெற்றிக்கு பிறகு தற்போது சூரியை வைத்து 'விடுதலை' என்ற படத்தை இயக்கி வருகிறார் வெற்றிமாறன். இந்தப்படத்தில் நடிகர் விஜய்சேதுபதி முக்கியமான கதாபாத்திரம் ஒன்றில் நடித்து வருகிறார். இந்த படத்தை முடித்ததும் சூர்யாவின் 'வாடிவாசல்' படத்திற்கான பணிகளை துவங்க இருக்கிறார் வெற்றிமாறன்.

9 வருஷத்துக்கு அப்புறம் நடக்க போற நல்ல விஷயம்: ஐஸ்வர்யா ரஜினிகாந்த் செம்ம குஷி..!
இந்நிலையில் 'வாடிவாசல்' படப்பிடிப்பு ஜூலை மாதம் துவங்கவுள்ளதாக தகவல்கள் வெளியாகியுள்ளன. அடுத்தாண்டு ஜனவரி பொங்கலையொட்டி இந்தப்படத்தை வெளியிட படக்குழு திட்டமிட்டுள்ளதாகவும் கூறப்படுகிறது. இதனிடையில் பாலா இயக்கத்தில் நடிக்கவுள்ள படத்தின் படப்பிடிப்பிலும் கலந்து கொள்ள உள்ளார் சூர்யா.

‘வாடிவாசல்’ படம் ஜல்லிக்கட்டு சம்பந்தமான கதையம்சம் என்று கூறப்பட்டாலும் படத்தில் இந்தி எதிர்ப்பு போராட்டம் குறித்த அம்சங்களும் இருக்கும் என்று வெற்றிமாறன் தெரிவித்திருந்தார். கலைப்புலி எஸ். தாணு தயாரிக்கும் இந்தப்படத்திற்கு ஜி.வி. பிரகாஷ் இசையமைக்கவுள்ளார். அமீர் முக்கியமான கதாபாத்திரம் ஒன்றில் நடிக்கவுள்ளது குறிப்பிடத்தக்கது.