Suriya வெற்றிமாறன்-சூர்யாவின் வாடிவாசல்: நீங்க நினைச்சது சரி தான்

வெற்றிமாறன் இயக்கத்தில் சூர்யா நடிக்கிறார் என்று அறிவிக்கப்பட்டது. இதையடுத்து படப்பிடிப்பை துவங்கும் முன்பே தலைப்பு வைத்துவிட்டார்கள். சூர்யா, வெற்றிமாறன் ஒன்று சேரும் படத்திற்கு வாடிவாசல் என்று தலைப்பு வைத்துள்ளார்கள். தலைப்பை பார்த்த ரசிகர்கள் இது கண்டிப்பாக ஜல்லிக்கட்டு பற்றிய படமாகத் தான் இருக்கும் முடிவு செய்துவிட்டார்கள். அவர்கள் கணித்தது சரி தான்.

வாடிவாசல் பெயரைக் கேட்டதும் ரசிகர் ஒருவர் போஸ்டர் டிசைன் செய்து வெளியிட்டுள்ளார். ரசிகர் உருவாக்கிய போஸ்டர் என்றாலும் கெத்தாக உள்ளது. வாடிவாசல் படத்திற்கு ஜி.வி. பிரகாஷ் குமார் இசையமைக்கிறார். அதனால் தலைப்புக்கேற்ப இசை மாஸாக இருக்கும் என்று எதிர்பார்க்கப்படுகிறது. இந்த படத்தை கலைப்புலி எஸ் தாணு தனது வி கிரியேஷன்ஸ் மூலம் தயாரிக்கிறார்.

சி. எஸ். செல்லப்பா எழுதிய வாடிவாசல் நாவலின் அடிப்படையில் தான் சூர்யா படத்தை எடுக்கப் போவதாக தகவல் வெளியாகியுள்ளது. வாடிவாசல் கதை உரிமையை கடந்த 2017ம் ஆண்டே வாங்கிவிட்டாராம் வெற்றிமாறன். வாடிவாசல் படத்தில் யார், யார் நடிக்கிறார்கள் என்கிற விபரம் வரும் பிப்ரவரி மாதம் அறிவிக்கப்படுமாம். ஹரி இயக்கத்தில் நடிக்க சூர்யா சம்மதம் தெரிவித்துள்ளார். அந்த படத்தை முடித்த பிறகே அவர் வெற்றிமாறன் படத்தில் நடிப்பாராம்.

வெற்றிமாறன் சூரியை வைத்து படம் எடுக்கப் போகிறார். அதன் பிறகு அவர் வாடிவாசல் ஷூட்டிங்கை துவங்குவார் என்று கூறப்படுகிறது. இந்நிலையில் சுதா கொங்கரா இயக்கத்தில் சூர்யா பல கெட்டப்புகளில் நடித்துள்ள சூரரைப் போற்று படம் வரும் ஏப்ரல் மாதம் 9ம் தேதி வெளியாக உள்ளது. அதே நாளில் தான் விஜய்யின் மாஸ்டரை வெளியிட முடிவு செய்துள்ளார்கள் என்பது குறிப்பிடத்தக்கது.