லவ் டிப்ஸ் கொடுத்தார் சூர்யா : ஆர்யா

கே.வி. ஆனந்த் இயக்கத்தில் சூர்யா, ஆர்யா, மோகன்லால் உள்ளிட்டோர் நடித்துள்ள காப்பான் படம் வரும் 20ம் தேதி வெளியாக உள்ளது.

இந்நிலையில் சென்னையில் நடந்த பத்திரிகையாளர்கள் சந்திப்பில் கலந்து கொண்ட ஆர்யா கூறியதாவது,

விஷால் 'செல்லமே' படத்தின் போது கே. வி. ஆனந்த் படம் செய்யப் போகிறார் நீ முயற்சி செய் என்றார். அவரின் முதல் படத்தில் இருந்து முயற்சி செய்து வருகிறேன். 'காப்பான்' படத்தில் தான் எனக்கு அந்த வாய்ப்பு கிடைத்திருக்கிறது. இந்தப் படம் கிடைத்தது மகிழ்ச்சி.

சூர்யா கூட நடித்தது எல்லோரும் சொல்வது போலவே கற்றுக்கொள்ளும் ஒரு அனுபவமாக இருந்தது. உண்மையிலேயே அவர் கூட நடித்தால் கொஞ்சமாவது மாறலாம் என்று தான் நடித்தேன். ஒரு சின்ன ஷாட்டுக்காக நிறைய மெனக்கெடுவார். எனக்கு நடிப்பு பற்றி மட்டுமல்லாது நிறைய லவ் டிப்ஸும் கொடுத்தார்.

வாழ்க்கை பற்றியும் குடும்பம் பற்றியும் நிறைய அறிவுறை தந்தார். அவருக்கு இதெல்லாம் அவசியமே இல்லாத போதும் என் மீது இருந்த அக்கறையால் அதைச் செய்தார். அவருக்கு நன்றி. இந்தப் படம் நீங்கள் நினைப்பதை விட ஒரு படி மேலே இருக்கும். அனைவருக்கும் பிடிக்கும் என்றார்.

மோகன் லாலின் மகனாக ஆர்யா நடித்துள்ளார். இந்த படத்தில் அவரின் மனைவி சயீஷாவும் நடித்துள்ளார் என்பது குறிப்பிடத்தக்கது.